7 Tamyz, 19:20 388 0 Qaýipsizdik Dınara MYŃJASARQYZY

Sáken Jasuzaqov QR Qarýly Kúshterinen shyǵaryldy

QR Prezıdenti Ókimimen Arystaǵy jarylysqa jol bergen burynǵy Qorǵanys mınıstri Qarýly kúshter quramynan shyǵarylyp, úsh joǵary áskerı laýazymdy tulǵaǵa qatań sógis jarııalandy. 

Memleket basshysynyń Ókimimen ózine júktelgen mindetterdi tıisti deńgeıde oryndamaǵany jáne qarý-jaraq pen oq-dárilerdiń qaýipsizdigin jáne saqtalýyn qamtamasyz etý jumysyndaǵy, Qarý-jaraq pen oq-dárilerdi saqtaý obektilerin kóshirý jáne ornalastyrý baǵdarlamasyn iske asyrý kezindegi eleýli kemshilikteri, sonyń saldarynan Arys qalasynda ornalasqan áskerı bólimshedegi qarý-jaraqtyń jarylýyna jáne qalada adam shyǵynyna ushyratqan aýqymdy apatqa jol bergeni úshin:

1. Qazaqstan Respýblıkasy Qorǵanys mınıstri bolyp qyzmet atqarǵan Sáken Ádilhanuly Jasuzaqov Qazaqstan Respýblıkasynyń Qarýly Kúshteri júıesinen shyǵaryldy.

2. Kelesi laýazymdy qyzmetkerlerge: Qazaqstan Respýblıkasy Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy Murat Káribaıuly Bektanovqa; Qazaqstan Respýblıkasy Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy bolyp qyzmet atqarǵan Murat Jáleluly Maıkeevke; Qazaqstan Respýblıkasy Qorǵanys mınıstriniń orynbasary bolyp qyzmet atqarǵan Talǵat Jeńisuly Janjúmenovke qatań sógis jarııalandy.

Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Saldarynan úsh adam qaza tapty - Arys turǵyny men eki áskerı qyzmetshi. 170-ke jýyq adam zardap shekti. 20-ǵa jýyq úı, 9 qora-qopsy janyp ketti . Úı-jaılar men ǵımarattardyń 80-90 paıyzyna ártúrli deńgeıde zaqym keldi.  Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.

Sońǵy jańalyqtar