6 Tamyz, 16:22 370 0 Qaýipsizdik Dınara MYŃJASARQYZY

Túrmede jaǵdaı jasalǵan

  QR Ishki ister mınıstrligi Qylmystyq-atqarý júıesi komıtetiniń basshylary elimiz túrmelerinde jaıly jaǵdaı jasaý úshin qandaı jumystar atqarylyp jatqanyn aıtyp berdi.

«Qazirgi tańda árbir kolonııada – otrıadtarda shaıhana bar. Barlyq kolonııalarda tońazytqyshtar, mıkrovolnovkalar, shaınek deısiz be – bári barshylyq», - deıdi QAJK tóraǵasy Darhan Qanatbekov IIM-de ótken baspasóz máslıhatynda. Al QAJK tóraǵasynyń birinshi orynbasary Teńizjan Jánibekov bolsa, Almaty oblysyndaǵy túrmede tirkelgen azaptaý oqıǵasyna qarap, barlyq túzeý mekemelerinde solaı bolyp jatyr dep oılamaý kerektigin aıtady. «Jalpy, ondaı jaǵdaılardy boldyrmaý úshin jaqynda mınıstr óziniń orynbasarlaryn ınspekııalaýǵa jiberdi. Qazir biz jan-jaqty is-sharalardy júrgizemiz. Azaptaý oqıǵalary bolsa, sol mezette shara qabyldaımyz. Qazirgi tańda zańǵa ózgeris engizý baǵytynda kóptegen usynystar túsip jatyr. Biz búkil Qazaqstandaǵy túrme salasyndaǵy eń bilikti mamandardy jáne ÚEU múshelerin, halyqaralyq uıymdardyń múshelerin shaqyrtyp, usynystaryn suradyq. Sebebi, ózimizdiń jasap jatqan qyzmetimizde kem-ketik bar shyǵar. Sonyń barlyǵyn azamattyq qoǵammen jınaqtap, 200-ge jýyq usynys aldyq. Jumys toby quryldy. Mynadaı jaıttardy boldyrmaý úshin jan-jaqty is-sharalardy qoldanamyz», - dedi Teńizjan Jánibekov. Eske sala ketsek, buǵan deıin QR IIM QAJK tóraǵasy Darhan Qanatbekov Qazaqstanda túrmedegi adamdardyń sany 100 myńnan 29 myńǵa azaıǵanyn málim etken bolatyn.

Sońǵy jańalyqtar