6 Tamyz, 15:40 546 0 Kólik Dınara MYŃJASARQYZY

OCCRP: "Astana LRT" kompanııasynyń burynǵy basshysyn Interpol izdeýde

Uıymdasqan qylmys pen jemqorlyqty zertteý jónindegi jobanyń (OCCRP) 5 tamyzda habarlaýynsha, "Astana LRT" kompanııasynyń burynǵy basshysy Talǵat Ardandy Interpol arqyly izdestirip jatyr.

Ardan Qazaqstanda alǵashqy jeńilrelsti kólik júıesi (LRT) qurylysyn júrgizgen mýnııpaldy kólik kompanııasyn úsh jyl basqarǵan. Ol bul qyzmetten 2017 jyly shyǵarylǵan.

Bir jyldan soń prokýratýra kompanııanyń eks-menedjerin teksergen. Bıyl Qazaqstannyń jemqorlyqqa qarsy kúres qyzmeti Ardanǵa qylmystyq is qozǵap, kúdiktini qamaýǵa alý týraly sotqa aryz túsirdi. Sot sheshim shyǵarǵan. Ótken aptada Interpol ony halyqaralyq izdeýdegilerdiń tizimine qosty.

Astana Times basylymynyń 5 tamyzda habarlaýynsha, LRT qurylysy tejelgen, astana bıligi onyń qurylysyna bólingen bıýdjet jobasyn 350 mıllıon dollarǵa qysqartqan. Degenmen qala ákimshiligi birneshe aı boıy toqtap turǵan qurylysty qaıta jalǵastyrýǵa tyrysyp jatyr.

Qazaqstannyń burynǵy prezıdenti Nursultan Nazarbaev pen eldiń qazirgi basshysy Qasym-Jomart Toqaev bul jobany synap, onyń bastapqy quny 1,8 mıllıard dollar bolǵanyn, onymen baılanysty ınvestıııalyq aýyrtpalyqty aıtqan.

2015 jyly Qazaqstan úkimeti 1,5 mıllıard dollardy Qytaıdyń damý bankinen LRT jobasyn júzege asyrý úshin qaryzǵa alǵan. Shamamen 250 mıllıon dollar "Astana bankinde" buǵattalǵan, al qarjy mekemesiniń basshylaryn aqsha jymqyrdy dep aıyptaǵan. 2018 jyly bank jumysy toqtady.

Nur-Sultan ákimi Altaı Kúlginovtiń habarlaýynsha, únemdeý maqsatynda LRT baǵytyndaǵy aıaldama sany 18-den 11-ge qysqardy, al kólik sany 19-dan 12-ge azaıdy. Qarjy mınıstrligi qurylysty aıaqtap, Qytaıǵa qaryzdy óteý úshin oblıgaııalar shyǵarýdy usynǵan.

Sońǵy jańalyqtar