5 Tamyz, 13:58 376 0 Kólik Dınara MYŃJASARQYZY

Arysta 60 shaqyrym jol jóndeýden ótedi

Arys qalasynyń jalpy uzyndyǵy 272,3 shaqyrymdy quraıtyn kóshege zerdeleý jumystary júrgizildi.

Nátıjesinde, 17 sektordyń 13-de tótenshe jaǵdaılar saldarynan qala ishindegi 67 kósheniń jamylǵysynda aqaýlar oryn alǵandyǵy anyqtalǵan. Qala kóshelerindegi aqaýlardy joıý boıynsha atqarylatyn is-sharalar aıasynda jalpy uzyndyǵy 60 shaqyrymǵa jýyq 67 kósheni zamanaýı talaptarǵa  sáıkestendirý maqsatynda, kelesideı jumystar atqarylatyn bolady: 46,7 shaqyrym aıaq jol; 68,6 shaqyrym jolǵa 2 234 dana jaryq shamdaryn ornatý; 7 shaqyrym velosıped joly; 41 m3 sýaǵar; jalpy aýmaǵy 9 522 m2 kósheniń jıekterin jóndeý.

Jóndeý jumystaryn júrgizý josparlanǵan 13 aımaq boıynsha 67 kósheniń búgingi tańda 40 kóshesinde jumystar júrgizilýde.

Jóndeý jumystary júrgizilip jatqan 40 kósheni qalpyna keltirý jumystaryna 60-qa jýyq arnaıy tehnıkalar men 110-nan asa jumysshy tartylǵan.

Arys qalasynyń kóshelerin qalpyna keltirý boıynsha aǵymdaǵy jyldyń 3 tamyz kúngi jaǵdaı boıynsha kelesideı jumystar atqarylýda: 4 kóshede asfalt salý jumystary aıaqtaldy; 19 kóshede joldyń negizine qumdy-shaǵal tas tóseý jumystary júrgizilýde; 15 kóshede aıaqjol salý jumystary júrýde; 2 kóshede jaryqtandyrý baǵanalaryn ornatatyn uńǵymalar qazylyp, beton quıý jumystary júrgizilip jatyr. Jalpy jóndeý jumystaryn aǵymdaǵy jyldyń tamyz aıynda tolyq aıaqtaý josparlanǵan.

Sońǵy jańalyqtar