3 Tamyz, 11:24 364 0 Nur Otan Turkystan Support

Nur Otan: aptalyq sholý

«Abaı – qazaq rýhanııatynyń aınasy»

Uly Abaıdyń 175 jyldyǵyna oraı aqyn shyǵarmalarynan úzindi oqý chellendji jalpyhalyqtyq sıpat aldy.

«Nur Otan» partııasy Tóraǵasynyń Birin­shi orynbasary Baýyrjan Baıbek danyshpan shyǵarmalarynan úzindi oqý estafetasyn jalǵastyrdy. Ol estafetany ánshi Móldir Áýelbekovadan qabyldap alyp, kórnekti jazýshy Smaǵul Elýbaıǵa, Parlament Máji­lisindegi «Nur Otan» Frakııasynyń tóraıymy Gúlmıra Isımbaevaǵa jáne «Jas Otan» jastar qanatynyń belsendisi Aısulý Ernııazovaǵa joldady.

«Abaı – qazaq rýhanııatynyń aınasy, kemel dúnıetanymynyń kórinisi. Abaı murasy – aqyldyń keni, sarqylmas rýhanı qazyna. Uly oıshyldyń qaı týyndysyn alsańyz da, salıqaly oı, salmaqty tujyrymǵa tunyp tur», – dedi Baýyrjan Baıbek.

Úıler jármeńkesi ótti

Qaraǵandyda «7-20-25» baǵdarlamasy boıynsha salynyp jatqan úıler jármeńkesi ótti. 13 qurylys kompanııasy men «Baspana»  ıpotekalyq uıymynyń 8 seriktes banki turǵyndarǵa ıpotekalyq nesıe  alý joldaryn túsindirdi.

«7-20-25» baǵdarlamasy boıynsha salynyp jatqan úıler jármeńkesi  baspanaǵa muqtaj jandar úshin uıymdastyryldy. Jármeńkede 13 qurylys  kompanııasy men 8 bank ókilderi turǵyndarǵa ıpotekalyq nesıe alý  joldaryn túsin­dirdi. «Baspana» ıpotekalyq uıymynyń málimetinshe,  atalǵan baǵdarlama arqyly jańa páterlerge 7 paıyzben 20 jylǵa, al ekinshi  naryqtaǵy baspanaǵa 7,75 paıyzben 15 jylǵa nesıe beriledi. Tipti,  jalaqysy tómen azamattardyń ózi ıpoteka rásimdeı alady.

Sondaı qaraǵandylyq turǵyndardyń biri – Juldyzaı Qarabekova. 3  jyldan beri páter izdep júrgen jas otbasy baspana jaldap turady. Úıge  jınaǵan azyn-aýlaq aqshasymen jármeńkege kelgen.

«Tabysymyzdyń basym bóligi úı jaldaýǵa ketetindikten, baspanaǵa mardymdy qarjy jınaý qıyn. Sondyqtan biz óz jaǵdaıymyzǵa qaraı eki bólmeli úı qarastyryp jatyrmyz», – deıdi Juldyzaı Qarabekova.

Al «Eurazia Building» JShS Qaraǵandy kóp páterli turǵyn úı kesheniniń dırektory Darhan Sádýaqas munda barlyq áleýmettik toptarǵa yńǵaıly páterler salynatynyna sendirdi. Onyń aıtýynsha, bıznes sanattaǵy jáne qoljetimdi baǵadaǵy páterler bar.

Jańa páterlerdi qurylys kompanııalarynan tikeleı alýǵa da bolady. Olar úılerdi salýdy bastasymen saty­lymǵa shyǵarady. Bólip tóleý múmkindigi de qarastyrylǵan. Al mundaı qoljetimdi baspananyń sapasyn  «Nur Otan» partııasynyń arnaıy ko­mıssııasy qadaǵalaıdy. Osy oraıda, «Nur  Otan» partııasy Qaraǵandy oblystyq fılıaly tóraǵasynyń orynbasary  Qadısha Ospanova arnaıy komıssııa «7-20-25» baǵdarlamasynyń jú­zege asýyn ǵana emes, úılerdiń sapa­syn da jiti qadaǵalaıtynyn jetkizdi.

«Qurylysqa qandaı materıaldar qoldanyldy, qalaı salyp jatyr, ınfraqurylymy bar ma degen sııaqty talaptar boıynsha tekserip, qajet jaǵdaıda ózgerister men usynystarymyzdy aıtamyz. Máselen, biz osy salynǵan úılerdiń birinshi qabatynda egde jastaǵy adamdardyń kóńil kóterý ortalyǵy men balabaqsha ornalassa degen usynys jasap otyrmyz», – deıdi «Nur Otan» partııasy Qaraǵandy oblystyq fılıaly tóraǵasynyń orynbasary Qadısha Ospanova.

Búginde Qaraǵandy qalasynyń bolashaq ortalyǵy ońtústik shyǵysta turǵyn úı qurylysy qarqyndy júrip jatyr. Osy jármeńkede ıpotekamen baspana alǵysy kelgen 450 adam 4 jarym mlrd teńgege tapsyrys bergen. «Nur Otan» partııasy Qaraǵandy oblystyq fılıaly tóraǵasynyń orynbasary Qadısha Ospanova mundaı jármeńkeler udaıy ótip turatynyn jetkizdi.

 

Almatylyqtar aqyl-keńes aldy

Almaty qalasynyń turǵyndary  jyljymaly «Halyqqa kómek» mobıldi akııasynyń aıasynda ózderin tolǵandyryp júrgen túrli áleýmettik máselelerge qatysty saýaldaryna jaýap aldy.

Akııany «Nur Otan» partııasy Almaty qalalyq fılıaly men memlekettik jáne quqyq qorǵaý organdary birlesip uıymdastyrdy. Alǵashqy keńes berý toby qaladaǵy bazarlardyń biriniń aýmaǵynda qala turǵyndaryna qabyldaý uıymdastyrdy.

«Nur Otan» partııasy Almaty qalalyq fılıaly tóraǵasynyń birinshi orynbasary, qalalyq máslıhat depýtaty Stanıslav Kankýrovtyń aıtýynsha, bul kóshpeli is-sharany turaqty túrde ótkizý barysynda azamattardy tolǵandyratyn ózekti má­seleler anyqtalyp, áleýmettik kıkiljiń týdyratyn oshaqtardyń paıda bolý sebepterin aldyn alý qarastyrylady. «Akııa kezinde mobıldi topqa ótinishpen kelgen barlyq azamattarǵa quqyqtyq keńester berilip, olardyń kótergen máseleleri ortalyq nemese jergilikti memlekettik organdardyń qaraýyna naqty sheshim qabyldaý úshin joldanady», – dedi Stanıslav Kankýrov.

Akııaǵa qatysqan qalalyq máslıhat depýtattary Qalı Sársenbaı, Nýrııa Nııazova, Alataý aýdany ákimi­niń orynbasary Jeńis Sadyrhanov, «Atameken» Almaty qalalyq kásipkerler palatasy dırektorynyń orynbasary Aıtýar Qoshmambetov, «Nur Otan» partııasy AQF janyndaǵy sybaılas jemqorlyqqa qarsy Qoǵamdyq keńes tóraǵasy Borıs Japarov, qalalyq kásipkerlik jáne ınvestı­ııa basqarmasy basshysynyń orynbasary Qarlyǵash Ábdijapparova jáne basqa da memlekettik, quqyqtyq organdardyń jetekshileri   azamattardyń ártúrli suraqtaryna jaýap berip, quqtyq keńester berdi. Akııa jalǵasyn tabatyn bolady.

 

Halyqqa qajet ortalyq

«Halyqqa kómek» partııalyq jobasyn júzege asyrý aıasynda «Nur Otan» partııasynyń Qostanaı oblysyna qarasty Denısov aýdandyq fılıalynyń qoǵamdyq qabyldaýy janynan «Zańgerlik keńes berý ortalyǵy» ashyldy. Oblysta tuńǵysh ret ashylǵan ortalyq azamattarǵa ózderin tolǵandyrǵan zańgerlik, quqyqtyq máseleler boıynsha kómek beredi.

Denısov aýdandyq sotynyń tóraǵasy Nurbol Muqanov: «Ortalyqtyń maqsaty – jergilikti turǵyndardy  zańdardaǵy engizilip jatqan ózgeristerden habardar etý, daýlardy sotqa deıin sheshý, medıaııanyń artyqshylyqtaryn túsindirý bolyp tabylady. Sondaı-aq azamattarǵa tegin quqyqtyq kómek kórsetý de kózdelip otyr», – deıdi.

Joba jetekshileri ortalyq azamattardyń quqyqtyq máselelerin sheshýde yńǵaıly ári tıimdi qural bolatynyna senimdi. Bul bastama halyqtyń ýaqytyn únemdeıdi. Arnaıy jobaǵa muryndyq bolǵan «Nur Otan» partııasy Denısov aýdandyq fılıaly tóraǵasynyń birinshi orynbasary Aıgúl Bektemesovanyń sózinshe, buǵan deıin jergilikti turǵyndar quzyrly organ, sot ókilderine qabyldaýǵa jazylýy úshin kezek kútý kerek edi.

«Jobany «Nur Otan» partııasynyń Saıası menedjment akademııasynda oqyp júrgende qolǵa alǵan edim. Keıin sátti qorǵap shyǵyp, oblystyq sot tóraǵasyna kórsetken soń, bastamam qoldaý tapty. Denısov aýdanynyń sot tóraǵasy da ıgi bastamaǵa qolǵabys tanytty», – deıdi Aıgúl Bektemesova.

Aýdanǵa qarasty shalǵaıdaǵy eldi mekenderdiń turǵyndary da ýaqytyn únemdep skaıp, beınebaılanys arqyly quqyq qorǵaý organdarynyń mamandaryna óz saýalyn tikeleı joldaýǵa múmkindik aldy. Ortalyqtyń ashylatynyn estigen halyq qabyldaýǵa jazylyp, sýdıa men prokýratýra mamandaryna máselelerin aıtyp, tuymdy jaýap aldy. Máselen, Denısov aýdanynyń turǵyny Batyrbek Kalımov osydan eki ǵasyr buryn turǵyzylǵan bóget máselesin kóterdi. Onyń sózinshe, búginde bul nysan qoldanylmaıdy. Tómen tusy tipti  jarylyp, jóndeýdi qajet etedi. Bul ásirese, kóktemde jergilikti turǵyndar úshin qaýip tóndiredi. Qarııa kótergen máseleni nurotandyqtar qoldap, tıisti hatty bılik ókilderine joldaǵan. Endi bul másele sheshimin tabady dep kútilýde.

Aıta ketý kerek, bul Qostanaı oblysy boıynsha ashylǵan ázirge tuńǵysh ortalyq. Joba jetekshileri aldaǵy ýaqytta bul bastamany ózge óńirler de iske asyratynyna senimdi. Elimizde qoǵamdaǵy ózekti máselelerge qatysty jedel áreket etý maqsatynda  jalpyulttyq «Halyqqa kómek» jobasy júzege asýda. Jańa bastamany «Nur Otan» partııasy memlekettik organdarmen, úkimettik emes uıymdarmen jáne bıznes qaýymdastyqpen birlesip iske asyrýda.

Marat Sembekov – partııa hatshysy

Marat Sembekov «Nur Otan» partııasynyń hatshysy bolyp taǵaıyndaldy. Al buǵan deıin osy qyzmetti atqarǵan Farhad Qýanǵanov basqa jumysqa aýysýyna baılanysty «Nur Otan» partııasynyń hatshysy qyzmetinen bosatyldy.

«Elbasy, partııa Lıderi N.Á. Na­­zar­baevtyń «Nur Otan»-dy «qaıta jandandyrýǵa» qatysty tapsyrmasyna sáıkes, M.Sembekov partııa hatshysy bolyp taǵaıyndaldy. Ol Úkimetpen, «Nur Otan»-nyń Májilistegi frakııasymen qarym-qatynasqa jaýap berip, partııalyq baqylaý qyzmetiniń jumysyn úılestiredi», – dep jazdy Twitter-de partııa Tóraǵasynyń Birin­shi orynbasary Baýyrjan Baıbek.

Aıta keteıik,  Elbasy Nursultan Nazarbaev Baýyrjan Baıbekti qabyldap,  partııany  qaıta  jandandyrý baǵdarlamasyn  ázir­leýdi tapsyrǵan bolatyn.

Marat Sembekov 1979 jyly týǵan. E.Bó­ketov atyndaǵy Qaraǵandy memlekettik ýnıversıtetin bitirgen. Eńbek jolyn 2001 jyly QR Ádilet mınıstrliginde bastaǵan. Ár jyldary Ekonomıka jáne bıýdjettik josparlaý mınıstrliginde, Premer-Mınıstrdiń Keńsesinde, respýblıkalyq bıýdjettiń oryndalýyn baqylaý jónindegi Esep komıtetinde jumys istegen.

2010-2015 jyldar aralyǵynda QR Prezıdenti Ákimshiliginiń memlekettik ınspektory, Memlekettik baqylaý jáne aýmaqtyq-uıymdastyrý jumysy bólimi basshysynyń orynbasary bolǵan.

2015 jyldan 2019 jylǵa deıin Almaty qalasy ákimi apparatynyń basshysy qyzmetin atqarǵan. 2019 jyldyń aqpanynan shilde aıyna deıin Almaty qalasy ákiminiń orynbasary boldy.

 

Jastardy qabyldaý bastaldy

Búginnen bastap «Jastar kadrlyq rezerv» jobasyna ótinish qabyldaý bastaldy. Bul týraly «Bolashaq» qaýymdastyǵy  habarlaıdy.

Jobanyń maqsaty – jastar arasynda memlekettik basqarý júıesi, bıznes jáne qoǵamdyq qyzmet salasy úshin zamanaýı, tıimdi basqarýshylardyń jańa generaııasyn qalyptastyrý. Joba qorytyndysy boıynsha elimizdiń ár aımaǵynan 3 adamnan 51 jas irikteledi. Olardyń 34-i Parlamentte, 17-si ortalyq memlekettik organdar men ulttyq kompanııalarda taǵylymdamadan ótedi.

«Bıyl joba 10-shy ret ótkiziledi. 10 jyldyń  ishinde 15 myńnan astam jas jobaǵa qatysty. Onyń ishinde 468 joba  qatysýshysy májiliste, senatta, memlekettik organdarda óz praktıkasynan ótti», – deıdi «Bolashaq» qaýymdastyǵynyń atqarýshy dırektory Laýra Demesinova.

Konkýrsqa qatysýshylardy irikteýdi oblystyq jáne qalalyq máslıhat depýtattary, memlekettik organdar, qoǵamdyq uıymdar, BAQ jáne bıznes salasy ókilderi kiretin arnaıy komıssııalar júzege asyrady. Jobaǵa 18 ben  29 jas aralyǵyndaǵy azamattar qatysa alady. Ótinimder onlaın túrde jastar- reserv.kz saıty arqyly 5 qyrkúıeke deıin qabyldanady.

«Eshqandaı aǵa-kókesi joq, óz kúshimen ary qaraı óskisi keletin, bilimine senetin jastardyń damýyna jaǵdaı jasaý. Áleýmettik lıft retinde, áleýmettik tepshek retinde jastardyń jańa oryndarda ózin baıqap, synap kórýine, óziniń biliminiń jetýine shyǵarmashylyq jáne tulǵalyq damýyna áser etetin bizdiń jobalardyń biri», – deıdi «Nur Otan» partııasy «Jas Otan» jastar qanatynyń tóraǵasy Dáýlet Káribek.

 

Birlikte jol jóndeldi

Kókshetaý qalasynyń irgesinde jatqan «Birlik» móltek aýdanynyń qurylǵanyna bıyl otyz jylǵa jýyqtaǵan. Osy aralyqta oblys ortalyǵynyń irgesindegi aýylda turǵyn úıler sany artyp, jyl saıyn kórkeıe túskeni de jasyryn emes.

Orta bilim beretin mektep pen balabaqsha ǵımaraty boı kóterip, kósheler abattandyryla bastady. Alaıda, bizdiń basty máselemiz joldyń joqtyǵy deıdi turǵyndar. «Kóshemizde jaýyn-shashyn kezinde júrý múmkin emes. Avtokólikterdiń dońǵalaǵy shydas bermeıtin boldy», – deıdi aýyl turǵyny Margarıta Ivanovna.

Aýyl azamattary jergilikti atqarýshy bılik ókilderine aryz shaǵymdaryn aparsa da buǵan deıin másele oń sheshimin tappaǵan. Jol azabynan bólek, aýyl turǵyndary avtobýs qatynasy men qańǵybas ıtterdiń máselesin de birneshe ret kóterip júr. Amaly taýsylǵan turǵyndar osydan birshama ýaqyt buryn «Nur Otan» partııasynyń Aqmola oblystyq fılıalynyń qoǵamdyq qabyldaýyna, «Birlik» móltek aýdany boıynsha oblystyq máslıhat depýtaty Ǵalym Bekmaǵambetovtiń qabyldaýynda bolyp, bar máseleni bastan aıaq jetkizgen edi. Másele oń sheshimin taýyp, bıylǵy jazda aýyldyń 3 kóshesindegi jolǵa kúrdeli jóndeý júrgizildi.

«Men kóktem men kúz bolsa rezeńke etik kıip jumysqa baramyn. Bizdiń kósheniń turǵyndary 10 myń teńgeden qosylyp kóshemizdi jóndetken bolyp edik, alaıda bul problemany sheshpeıdi ǵoı. Nurotandyqtar bizdiń máselemizdi sheship bergendigine qýanyshtymyz», – deıdi Beles kóshesiniń turǵyndary.

Bıylǵy jazda Birlik aýylynyń Beles, Aqbulaq jáne Jazıra kóshelerindegi jolǵa kúrdeli jóndeý júrgizilip, Aqbulaq jáne Beles kósheleriniń 900 metr jolyna asfalt tóselse, Jazıra kóshesiniń boıyna aǵymdaǵy jóndeý jumystar júrgizildi.  Bul jumys odan ári jalǵasyn tappaq.

Tegter Nur Otan

Sońǵy jańalyqtar