3 Tamyz, 11:19 552 0 Óndiris Turkystan Support

Turǵyn úı salýǵa 50 mlrd teńge bólindi

Jergilikti atqarýshy organdarda kezekte turǵandar úshin satyp almaı jalǵa beriletin turǵyn úı salýǵa jáne satyp alýǵa 32,8 mlrd teńge kózdelgen. Ol úshin óńirlerge 14,9 mlrd teńge aýdaryldy, onyń 14,8 mlrd teńgesi nemese 99%-y ıgerildi. Bul týraly QR Indýstrııa jáne ınfraqurylymdyq damý mınıstri Roman Sklıar aıtty.

Onyń aıtýynsha, qarajattyń tómen ıgerilýi Mańǵystaý oblysynda baı­qa­lady. «Bıyl kezekte turǵandar úshin 6 myń páterdi paıdalanýǵa berý josparlanýda. 1 shildede 924 páter (47,6 myń sharshy metr) berildi», – dedi mınıstr. Son­daı-aq, ol kópbalaly otbasylar úshin jalǵa beriletin turǵyn úı salýǵa jáne satyp alýǵa 50 mlrd teńge qarasty­ryl­ǵanyn jetkizdi. «Qarjylandyrý jospary boıynsha óńirlerge 9,7 mlrd teńge aýdaryldy, onyń 9,6 mlrd teńgesi nemese 99,6%-y ıgerildi. Barlyq kózderden 7482 páter berý josparlanýda. Mamyr aıynan bastap 1619 kópbalaly otbasyna turǵyn úı berildi», – dedi Roman Sklıar. Mınıs­trdiń málimetinshe, jumys isteıtin jas­tar­dyń eńbek utqyrlyǵyn qam­ta­masyz etý úshin Nur-Sultan, Almaty jáne Shymkent qalalarynda 2019-2021 jyldary jylyna 1 myń jaldamaly páter salý jos­parlanǵan.

«Memleket basshysynyń tapsyrmasymen jalǵa beriletin turǵyn úı salý men satyp alý úshin qarjylandyrý kólemi jylyna 21,6 mlrd teńgege deıin ósti. 3 jyl ishinde 64,8 mlrd teńge. Bul 2019, 2020 jáne 2021 jyldary jumysshy jastarǵa 3 myń jalǵa beriletin páter berýge múmkindik beredi. Máselen, Nur-Sultan, Almaty qalala­rynda 1050 jáne Shymkentte 900 pá­ter», – deıdi mınıstr.

Sonymen qatar, ol qarjylandyrýdyń ósýine baılanysty «Nurly jer» baǵdar­lamasyna tolyqtyrýlar engizetinderin aıtty. Al jastar saıasaty jónindegi ýákiletti organ jaqyn arada turǵyn úı bólý krıterııleri men tártibin anyq­taıdy.

Sońǵy jańalyqtar