30 Shilde, 18:04 770 0 Ishki saıasat Túrkistan Gazeti

Franýz mınıstri Qazaqstanǵa keldi

Franııanyń ekonomıka jáne qarjy mınıstri Brıýno Le Mer elordaǵa issaparmen keldi. Bul – onyń Ortalyq Azııaǵa alǵashqy sapary.

Issapardyń negizgi maqsaty – Qazaqstanmen jańa seriktestik qarym-qatynastar ornatyp, yntymaqtastyqty nyǵaıtý.

QR Prezıdenti Qasym-Jomart Toqaev Brıýno Le Merdi arnaıy qabyldady. Kezdesý barysynda Memleket basshysy Qazaqstan men Franııa arasynda senimdi ekijaqty yntymaqtastyq ornaǵanyn, ásirese, saýda-ekonomıkalyq jáne saıası salalarda zor múmkindikter baryn atap ótti.

– Biz Franııany Eýropa Odaǵy sheńberindegi negizgi áriptes retinde qarastyramyz. EO – Qazaqstannyń basty saýda seriktesi. Ekijaqty saýda kólemi 4,5 mıllıard dollarǵa jetti. Al Franııadan el ekonomıkasyna tartylǵan tikeleı ınvestıııalar kólemi 15 mıllıard dollardan asty, – dedi Qasym-Jomart Toqaev.

Memleket basshysy Qazaqstanda jumys istep jatqan franýz kompanııalarynyń tabysty qyzmetin atap ótip, Franııa mınıstrine elimizde olardyń tıimdi jumys isteýi úshin barlyq jaǵdaı jasalatynyn aıtty.

B.Le Mer Qazaqstan Prezıdentine jyly qarsy alǵany úshin alǵysyn bildirip, Franııa men Qazaqstandy kópjyldyq ózara tıimdi strategııalyq seriktestik baılanystyratynyn atap ótti. Franııanyń Ekonomıka jáne qarjy mınıstri eki el arasyndaǵy ózara jemisti is-qımyldardy barynsha arttyrýǵa nıettestik bildirdi.

Sońynda Memleket basshysy Franııa kóshbasshysy Emmanıýel Makronǵa sálem joldap, izgi tilegin bildirdi.

Brıýno Le Mer odan bólek Elektrovoz qurastyrý zaýytynda boldy.

«Bizde ıadrolyq salada, ushaq shyǵarýda (Airbus), qujattama qaýipsizdigi, energetıka (Total) salasynda yntymaqtastyq ornatylǵan. Barlyq jobalarymyzdyń sátti júzege asqanyn qalaımyz», - dedi Franııa mınıstri astanadaǵy «Elektrovoz qurastyrý zaýytynda» tilshilerge bergen suhbatynda.

Mınıstr temirjol kóligine júıeler men qural-jabdyqtar shyǵaratyn franııalyq Alstom kompanııasynyń Nur-Sultandaǵy jumysymen tanysty.

«Bul zaýyt Qazaqstan men Franııa arasyndaǵy ekonomıkalyq yntymaqtastyqtyń aıǵaǵy ispettes. Temir joldy damytý salasyndaǵy seriktestik bizdiń elimiz úshin mańyzdy strategııalyq baǵyt bolyp sanalady. Men úshin Ázerbaıjanǵa eksportqa baǵyttalǵan lokomotıvtiń saltanatty ashylýyna qatysý – úlken ǵanıbet. Eki el arasyndaǵy temirjol salasyndaǵy seriktestik qarym-qatynasty jalǵastyramyz. Atap aıtqanda, jolaýshylar jáne júk lokomotıvterin óndirý jáne sıgnalızaııa salalarynda. Dabyl qaǵý boıynsha biz úshin mańyzdy jobalar bar. Alstom kompanııasynyń Qazaqstannyń temir jol vokzaldaryn dabyl qaǵý júıesimen jabdyqtaýyn qalaımyz», - dedi ol. Sapar barysynda Franııanyń ekonomıka jáne qarjy mınıstri Brıýno Le Mer «Elektrovoz qurastyrý zaýytynyń» óndiristik bólikterimen tanysty. Oǵan Ázerbaıjan temir jolymen kelisimshart aıasynda ázirlengen №Z8A0008 lokomotıvin kórsetti. Atalǵan kelisimshartqa sáıkes, Ázerbaıjanǵa 50 lokomotıv qurastyrylmaq.

«Temirjol salasynan bólek, Qazaqstan – Franııanyń strategııalyq áriptesi. Qazaqstan úshin Franııa – Eýropaǵa enýdegi senimdi seriktes. Franııada jańa damyǵan tehnologııalar bar, ónerkásip salasy jaqsy damyǵan. Sondyqtan, Franııa Qazaqstanmen yntymaqtastyq ornatqysy keledi. Sálden soń, Qazaqstan Respýblıkasynyń Prezıdentimen jáne Premer-Mınıstrimen kezdesemin. Onda QR Tuńǵysh Prezıdenti Nursultan Nazarbaevtyń tusyndaǵy tyǵyz áriptestikti eske salsam deımin. Jáne taǵy qandaı baǵyttarda yntymaqtastyqty damyta alamyz, sony talqylaǵym keledi», - dedi Brıýno Le Mer.

Sońǵy jańalyqtar