30 Shilde, 11:02 628 0 Nur Otan Túrkistan Gazeti

Elbasy Baýyrjan Baıbekti qabyldady

Kezdesýde Qazaqstannyń Tuńǵysh Prezıdentine partııany jańǵyrtý josparyn júzege asyrý barysy, sondaı-aq «Nur Otan» partııasynyń Túrkistan oblysy Arys qalasyn qalpyna keltirý jumystaryna atsalysýy týraly baıandaldy.

– «Nur Otan» – elimizdegi basty saıası kúsh. Partııa halyqqa jaqyn bolyp, onyń muń-muqtajyn bilýge jáne oǵan qoldaý bildirýge tıis. Qoǵamda týyndaıtyn máselelerdi sheshýge kómektesý kerek. Sondaı-aq, partııamyzdyń kadrlyq quramyn muqııat zertteý qajet. «Nur Otan» óz jumysyn odan ári jetildirýdi jalǵastyra berýge tıis, – dedi Nursultan Nazarbaev.

Elbasy «Nur Otan» partııasynyń óńirlerdegi fılıaldary men bastaýysh partııa uıymdarynyń jumysyn jandandyrýdyń mańyzdylyǵyn atap ótti.

– Bastaýysh partııa uıymdarynyń jetekshilerimen, Saıası keńes múshelerimen, partııanyń óńirlerdegi fılıaldarynyń basshylarymen kezdesý josparlanǵan. Uıymnyń barlyq býynynyń oıdaǵydaı jumys isteýin qamtamasyz etýdiń mańyzy zor. Sondaı-aq, partııanyń Májilistegi jáne máslıhattardaǵy frakııalary tarapynan Úkimet pen ákimderdiń jumysyn baqylaýdy barynsha kúsheıtý qajet, – dedi Qazaqstannyń Tuńǵysh Prezıdenti.

Nursultan Nazarbaev partııalyq baqylaý komıssııalarynyń jáne ortalyq pen jergilikti jerlerdegi sybaılas jemqorlyqqa qarsy is-qımyl keńesteriniń jumysyn jaqsartý máselesine toqtaldy. Halyqpen «keri baılanys» ornatý quraldarynyń tıimdiligin arttyrý, sonyń ishinde partııanyń qoǵamdyq qabyldaý oryndarynyń qyzmetin jaqsartý máselelerine de nazar aýdaryldy.

Kezdesý sońynda Elbasy Partııany qaıta jandandyrý baǵdarlamasyn ázirleýdi jáne ony «Nur Otan» partııasynyń Saıası keńesi bıýrosynyń qaraýyna shyǵarýdy tapsyrdy.

Sońǵy jańalyqtar