23 Shilde, 12:40 574 0 Qoǵam Túrkistan Gazeti

Memleket qandaı jaǵdaıda kredıtti tólep beredi?

Premer-mınıstrdiń orynbasary ári qarjy mınıstri Álıhan Smaıylov kollektorlyq bıýroǵa ketken kredıtterdi memleket qandaı jaǵdaıda óteıtinin túsindirdi.

Mınıstrdiń aıtýynsha, keıbir kredıtter kollektorlarǵa berilse de, banktiń balansynda qala beredi. Bul jaǵdaıda qaryzdyń aıyppuly men ósimpulyn óteý, sondaı-aq turmysy tómen azamattardyń bereshegin 300 myń teńgege deıin shegerý sharalary atqarylady. Al eger kredıt tolyǵymen kollektorlyq bıýroǵa satylsa, eshqandaı shara qoldanylmaıdy. Bul azamattar qaryzdy da, aıyppuldy da ózderi tóleıdi.

"Bankter men mıkroqarjylandyrý uıymdary kollektorlarmen jumys istegen kezde debıtorlyq bereshekti satýy da, satpaýy da múmkin. Munda eki jaǵdaı kezdesedi. Birinshi jaǵdaıda bankter sotqa júginbeı turyp, kollektorlarǵa bereshekti qaıtarýǵa tapsyrma beredi. Ondaıda debıtorlyq bereshek bankte qala beredi. Sondaı bereshekti biz óteımiz. Al debıtorlyq bereshek kollektorlyq agenttikke satylǵan kezde, ol bankten ketedi, bankte qalmaıdy. Jarlyqqa sáıkes bankter men mıkroqarjylandyrý uıymdarynyń balansynda turǵan bereshekter ǵana óteledi", - dedi Smaıylov úkimet úıinde ótken baspasóz máslıhatynda.

Mınıstrdiń sózine súıensek, búginde aıyppuldar men ósimpuldardyń jalpy kólemi 58 mıllıarda teńgeden asady. Onyń 70 proentin bankter ózderi japsa, 30 proenti memlekettiń esebinen óteledi.

Aıta ketsek, Qazaqstanda prezıdenttiń jarlyǵy boıynsha kepilsiz kredıt alǵan 5 mıllıonǵa jýyq adamnyń aıyppuldary men ósimaqylary óteledi. Al turmysy tómen azamattar úshin osyndaı jeńildikpen birge 300 myń teńgege deıingi qaryz somasy keshiriledi, biraq kredıttiń somasy 3 mıllıon teńgeden aspaýy qajet. Turmysy tómen azamattardyń qataryna kópbalaly otbasylar, múgedek balasy bar otbasylar, asyraýshysynan aıyrylǵandar, jetim balalar jáne ataýly áleýmettik kómek alatyndar jatady.

Sońǵy jańalyqtar