23 Shilde, 12:36 300 0 Qaýipsizdik Túrkistan Gazeti

Shekarashylar esirtki alqabyn joıdy

Jýyrda shekarashylar Semeıde jáne Qordaıda eki qazaqstandyqty esirtki zattarymen ustap, Taraz shekara otrıadynyń aýmaǵynda esirtki alqabyn joıdy.

Semeı shekara otrıadynyń «Aýyl temirjol» bólimshesinde «Bishkek-Novokýznek» baǵytyndaǵy № 385 poıyzdy tekserý barysynda vagondardyń biriniń jumys tambýryndaǵy ájethananyń jylý júıesiniń astynan, qyzmettik ıttiń kómegimen salmaǵy 50 gramm mólsherinde «marıhýana» esirtkisi tabyldy. It esirtki zatynyń ıesi retinde 1978 jylǵy qazaqstandyqty nusqady. Ustalǵan azamat Semeı temirjol beketiniń jelilik polıııa bólimine tapsyryldy.

Qordaı tekserip-ótkizý pýnktinde shekara narıady qyzmettik ıttiń meńzeýimen kórshi elden kele jatqan 20 jastaǵy qazaqstandyqtyń qol júginen salmaǵy 2 gramm mólsherinde «marıhýana» esirtkisin tapqan bolatyn. Bul «ber jaǵy» ǵana eken. Onyń jol sómkesin tereńirek tekserý barysynda, shúberekterge muqııat oralyp, 19 sirińke qorabyna salynǵan «marıhýana» esirtkisi tabyldy. Ustalǵan azamat esirtki zatymen birge Qordaı aýdandyq polıııa bólimine tapsyryldy.

Taraz shekara otrıadynyń «Aspara» shekara zastavasynyń aýmaǵynan shekarashylar keshe keshkilik, saǵat 20.00 shamasynda «marıhýana» esirtkisin alatyn jabaıy qarasora alqabyn taýyp aldy. Túngi saǵat 21.00 – 21.30 aralyǵynda Aspara aýyly Ákimdiginiń ókilderin qatysýymen otyryp, 2200 túp kendirqýraı ósken qarasora alqaby órteldi.

Sońǵy jańalyqtar