23 Shilde, 12:33 594 0 Qaýipsizdik Túrkistan International Political Weekly

Smartfondaǵy qaýipsizdik sertıfıkaty nege kerek?

QR ıfrlyq damý, ınnovaııalar jáne aeroǵarysh ónerkásibi mınıstri Asqar Jumaǵalıev uıaly baılanys operatorlarynan abonentterge qaýipsizdik sertıfıkatyn ornatý habarlamasyna qatysty pikir bildirdi.

«Balalarǵa ınternette ekstremıstik, lańkestik sıpattaǵy jáne basqa da teris mándegi materıaldardy kórý paıdaly ma?! Qaýipsizdik sertıfıkaty osy máselelerdi sheshetin bolady. Atalǵan sertıfıkatty ornatýdy ár adam erikti negizde júrgizedi. Eger de jaqyndaryńyzǵa, balalarǵa alańdasańyz, qaýipsizdik sertıfıkatyn ornatasyz, al eger qajet emes dep sanasańyz, onda ornatpaýǵa eriktisiz. Sertıfıkattyń taǵy bir paıdaly jaǵy – ol aqparattyq qaýipsizdikke qatysty problemalardy sheshýge múmkindik beredi. Óıtkeni saıttardyń jumysyna kedergi keltiretin áreketter bolyp jatady», - dedi mınıstr.

Sonymen qatar A. Jumaǵalıev Qazaqstan halqynyń jeke málimetterin qorǵaý zańnamamen kepildik berilgenin atap ótti.

Ázirge ondaı SMS almaǵan adamdardyń alańdaýyna sebep joq. Silteme kelgen sátti kútip, ornatýǵa daıyn bolýy kerek. Mamandardyń aıtýynsha, abonenttiń hakerlik shabýylǵa ushyraýy úshin kúmándi siltemege ótýi mindetti emes. Iaǵnı qaýipsizdik júıesiniń sertıfıkaty bolmaǵan jaǵdaıda ınternet arqyly paıdalanatyn kóptegen qyzmetterge kiretin qupııa sózder men kodtardy urlaý ońaı. Qaýipsizdik júıesiniń sertıfıkatyn ornatý osy úshin qajet.

 

Sońǵy jańalyqtar