23 Shilde, 11:33 606 0 Kólik Túrkistan Gazeti

LRT qurylysy qashan aıaqtalatyny belgili boldy

QR Premer-Mınıstriniń orynbasary Jeńis Qasymbek elordadaǵy LRT qurylysy qashan aıaqtalatynyn aıtty.

«Nur-Sultan qalasynda jeńil relsti kólik jobasyn júzege asyrý qazirgi ýaqytta elorda ákimdigi «Problemaly kredıtter qory» AQ-men, Ulttyq bankpen jáne Qarjy mınıstrligimen birge «Astana banki» AQ-daǵy buǵattalǵan qarjysyn alý máselesin qarastyrýda.

Jobany odan ári iske asyrý máselesi 24 shilde kúni Nur-Sultan qalasyn damytý jónindegi memlekettik komıssııanyń otyrysynda qaralatyn bolady», - dedi J. Qasymbek Úkimet otyrysynda.

Osy oraıda ol atalǵan nysannyń qurylysyn aıaqtaý jóninde Prezıdenttiń tapsyrmasy bolǵanyn eske saldy.

«Aldaǵy ýaqytta ákimdik osy jobany júzege asyrýdyń nusqalaryn usynady. Memlekettik komıssııa otyrysynyń qorytyndysy boıynsha tolyq aqparatty beretin bolamyz. Joba aıaǵyna deıin jetkiziledi, nysandy tapsyrý merzimi aldaǵy jyldyń sońyna belgilenip otyr», - degi Úkimet basshysynyń orynbasary.

 

Sońǵy jańalyqtar