22 Shilde, 12:51 377 0 Óndiris Túrkistan Gazeti

Jetisaıda 324 myń tonnadan astam baqsha ónimderi jınaldy

Túrkistan oblysy Jetisaı aýdanynda búginge deıin 324 myńnan astam baqsha ónimderi jınaldy. Onyń 70 paıyzǵa jýyǵy Reseı men Eýropa elderine eksporttalyp otyr. Al qalǵan bóligi elimizdiń soltústik oblystaryna jóneltilýde.

Budan bólek, 94 600 tonna kókónis, atap aıtsanda, 32 400 tonna qyzanaq, 355 tonna sarymsaq, 7 700 tonna baklajan, 3 600 tonna balǵar buryshy, 14000 tonna qııar óndirilgen.

Jalpy bıyl Jetisaı aýdanynda 77 274 gektar jerge egin egilgen. Onyń 45 100 gektaryn maqta, 16 myń gektaryn baqsha ónimderi, 4 myń gektaryn kókónis daqyldary quraıdy.

Aıta keterligi, búginde jetisaılyq qaýyn, qarbyzdar joǵary suranysqa ıe. Táttiligi til úıirer baqsha ónimderiniń kólemi jyl sanap artyp keledi. Bul rette baqsha ónimderiniń shetelderge eksporttalýy da durys jolǵa qoıylǵan. Sonyń nátıjesinde óndirilgen ónimniń 70 paıyzyn shetel naryǵyna shyǵarýǵa múmkindik týyp otyr.

Bıyl 16 myńnan astam jerge baqsha daqyldary egilse, onyń 8741 gektary plenkaly qaýyn, 3950 gektary plenkaly qarbyz. Sondaı-aq, bıyl aýdanda 2981 gektarǵa ashyq qaýyn men 900 gektarǵa qarbyz egilip otyr. Aýdan sharýalary bir jerden eki ret ónim alý úrdisin qolǵa alyp, tabys kózderin molaıtýda.

Sońǵy jańalyqtar