22 Shilde, 11:41 358 0 Densaýlyq Túrkistan Gazeti

425 mln adam dıabetke shaldyqqan. Nege?

Dıabetti erte anyqtaýǵa arnalǵan ulttyq skrınıngtik baǵdarlama Qazaqstandaǵy eresekterdiń 8,2 paıyzy dıabetke shaldyqqanyn anyqtady.

Sondaı-aq, eldegi eresekterdiń 38 paıyzy dıabetke shaldyǵýdyń aldynda tur. Dúnıejúzilik dıabet federaııasynyń derekteri boıynsha, álemde 425 mıllıonnan astam adam dıabetpen ómir súrýde.

NOMAD dıabetti erte anyqtaýǵa arnalǵan Ulttyq skrınıngtik baǵdarlamanyń nátıjelerine sáıkes Qazaqstanda eresekterdiń 38%-y dıabet aldynda tursa, 8,2% -i dıabetpen zardap shegedi.

Sonymen qatar, ekinshi tıpti dıabet dıagnozymen 312 myń qazaqstandyq esepte tur. Al Shveııadaǵy Karolın ınstıtýtynyń zertteýshileri ondaǵy 60 jastan asqan turǵyndarǵa synaq júrgizip kórgen.

Zertteýge qatysqan egde adamdardyń barlyǵynda «dıabet aldy» dıagnozy qoıylyp, qandaǵy qant deńgeıi 100-den 125 mıllıgramm-deılıtr kóleminde ekeni anyqtalǵan. Atalmysh adamdar 12 jyl boıy zertteýshilerdiń baqylaýynda bolady. Eń sońynda qatysýshylardyń 22 paıyzy qalypty lıkemııaǵa oralyp, birshama saýyqsa, 13 paıyzynda dıabet órshı túsken.

Qalǵany derttiń saldarynan kóz jumǵan. Osylaısha, ǵalymdar dene belsendiligi dıabettiń aldyn alyp, ólim deńgeıin tómendetetinin dáleldegen.

Bul pikirmen «Aman-saýlyq» qoǵamdyq qorynyń prezıdenti, dáriger Baqyt Túmenova da kelisedi.

«Dıabet aldy» dıagnozy 2-shi tıpti qant dıabetine avtomatty túrde aýyspaıdy. Iaǵnı, kóp dúnıe adamnyń kútimine baılanysty. Aýrýdy asqyndyrmaý úshin dene belsendiligi men tolyqqandy uıqy jáne durys tamaqtaný rejımderin saqtasa bolǵany. Bul endi emdelýshiniń erik-jigeri men yntasyna da tikeleı baılanysty», - deıdi otandyq maman.

Tegter dıabet

Sońǵy jańalyqtar