22 Shilde, 11:28 535 0 Sport Túrkistan Gazeti

Asyq sporty jandanýda

Qyzylordada asyq sporty damyp keledi. Jergilikti jastar ulttyq sport túrinen joǵary tabystarǵa qol jetkizip júr.

Syr óńirinde asyq atýdan túrli deńgeıdegi týrnırler 2015 jyldan beri uıymdastyrylyp keledi. Ol ulttyq qundylyqtardy jańǵyrtý baǵytynda qolǵa alynǵan. Dástúrli sharany Qyzylorda oblystyq «Asyq atý» qoǵamdyq birlestigi turaqty túrde ótkizýde.

«Qostanaı qalasynda ótken halyqaralyq týrnırde bizdiń jastar joǵary oryndardan kórindi. Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» baǵdarlamalary qazaq halqynyń ulttyq qundylyqtaryn jańǵyrtýǵa baǵyttalǵan. Bizdiń birlestik osy maqsatta ulttyq sport túri asyq oıynynyń qalalyq, oblystyq jáne respýblıkalyq týrnırlerin ótkizip keledi.Jastarymyz sol jarystarda shyńdaldy. Qostanaıdaǵy jarysta joǵary jetistikke jetýimizdiń bir nátıjesi osynda jatyr», - dedi Qyzylorda oblystyq «Asyq atý» qoǵamdyq birlestiginiń tóraǵasy Jandos Bazartaı.

Halyqaralyq týrnırge Qyzylorda oblysynan asyq atý sportynan jergilikti bapker R. Naýkeev bastaǵan úsh sportshy qatysty.

Syr sportshylary týrnırde jalpy komandalyq esepte úzdik úshtikten kórindi.

Tegter Sport Asyq atý

Sońǵy jańalyqtar