21 Shilde, 12:42 389 0 Qaýipsizdik Túrkistan Gazeti

Polıııanyń halyqtyq keńsesi ashyldy

El turǵyndarynyń tynyshtyǵyn kúzetip, quqyqtaryn qorǵap, qoǵamdyq tártipti saqtaý, qylmyspen kúresý, halyq pen memleket qaýipsizdigin qamtamasyz etý ishki ister organdaryna memleket tarapynan basa nazar aýdarylýda. 

QR Tuńǵysh Prezıdenti – Elbasy Nursultan Nazarbaev polıııa qyzmeti jóninde «Nur Otan» partııasynyń XVI sezindegi sóılegen sózinde: «Polıııa – qoǵamnyń ózine degen senimin arttyratyndaı etip jumys isteýi kerek» degen tapsyrma júktese, Memleket basshysy Qasym-Jomart Toqaev «Polıııanyń jumysy qoǵamnyń jiti nazarynda. Sizderdiń qyzmetterińiz el azamattarynyń múddelerimen jáne qaýipsizdigimen tyǵyz baılanysty. Bul úshin halyqpen tyǵyz baılanys qajet.  Polıııaǵa qoıylatyn negizgi talap – tıimdi jumys. Al, onyń tıimdiligin baǵalaýdyń basty sharty – halyq senimi» dep, Elbasynyń bastaǵan quqyq qorǵaý júıesindegi reformany jalǵastyrýdy usynǵan.

Osy maqsatta quqyq qorǵaý organdarynyń jumysyn júıelendirý, halyqpen  tyǵyz qarym-qatynasta jumys jasaý maqsatynda jol kartasy qabyldanǵan. Jol kartasynda kóterilgen mindetterdi júzege asyrý, ishki ister salasynda júrgiziletin jumystardyń ashyqtyǵy men jarııalylyǵyn qamtamasyz etý, turǵyndardyń kórsetiletin qyzmetter alýyna qolaıly jaǵdaı jasaý maqsatynda polıııanyń halyqtyq keńsesin ashý qolǵa alynǵan bolatyn.
Búgin aýdan ákimdigi men polıııa bóliminiń birlese júrgizilgen jumystarynyń nátıjesinde Otyrar aýdandyq polıııa bóliminiń halyqtyq keńsesi ashyldy. Igi sharanyń ashylýyna Túrkistan oblystyq polıııa departamentiniń bastyǵy, polıııa general-maıory Qaırat Dálbekov jáne aýdan ákimi Erlan Aıtahanovtar qatysyp, izgi tilekterin jetkizdi.

Halyqtyq keńseniń ashylýyna arnaıy kelgen departament bastyǵy ishki ister salasynda halyqpen tyǵyz qarym-qatynas jasaý, júrgiziletin jumystardy jeńildetý maqsatynda kórsetken qoldaýy úshin Otyrar aýdanynyń ákimdigine alǵysyn jetkizip, qasıetti ólkede ashylǵan halyqtyq keńse turǵyndarǵa sapaly qyzmet kórsetedi degen senimin bildirdi.

Sonymen qatar, Qaırat Sultanbaıuly «Jol kartasy» aıasynda Otyrar aýdanynda qurylǵan týrıstik polıııaǵa arnaıy jabdyqtalǵan elektromobıl tabystady. Al, aýdan ákimi Erlan Aıtahanov «Kez-kelgen ıgi isterdiń qasıetti Otyrardan bastaý alýy tarıh betterindegi dástúr men zańdylyqqa aınalǵany sózsiz. Halyq pen quqyq qorǵaý organdary tyǵyz baılanysta jumys júrgizetin halyqtyq keńse oblysymyzda alǵashqylardyń biri bolyp aýdanymyzda ashylyp, turǵyndarǵa qajetti keńesteri men qyzmetterin kórsetpek» dep, aldaǵy jumystarǵa sáttilik tiledi.

Qýanyshty sátte el aǵasy, ishki ister organdarynyń ardageri Jumahan Ábdiqadyrov bata berse, jıyn sońy aýdan ónerpazdarynyń án shashýymen jalǵasyn tapty.

Sońǵy jańalyqtar