19 Shilde, 17:22 344 0 Aımaq Arman Qudaıbergen

Jármeńkede 150 tonna ónim usynyldy

Arys qalasynda oblys taýar óndirýshileriniń aýyl sharýashylyǵy ónimderi jármeńkesi ótti. Oblys ákimdiginiń uıymdastyrýymen ótkizilgen jármeńkede ónimder naryqtaǵy baǵadan 30 paıyz arzanǵa satyldy, dep habarlaıdy óńir basshysynyń baspasóz qyzmeti.

Jármeńkede 150 tonnadan astam ónim jurtshylyqqa usynyldy. Ónimderdiń jalpy quny 65 mıllıonǵa jýyq teńgeni quraıdy. Barlyq aýdan, qalalardyń damý basymdyqtaryna saı jınaqtalyp, usynylǵan ónimderge arystyqtar rızashylyǵyn bildirdi.

Máselen, et jáne et ónimderiniń jalpy kólemi 47,6 tonnany qurasa, 41 tonna kókónis te satylymǵa shyqty. 8,4 tonna sút ónimi, 28 tonna baqsha ónimi de lezde satylyp ketti. Sonymen birge 7,5 tonna jemis-jıdek, 3 tonna balyq, 14 tonna ózge de taýarlar Arystaǵy jármeńkege jetkizildi.

Arys qalasyn qalpyna keltirý jáne turǵyndardyń ál-aýqatyn kóterý maqsatynda ótken kezekti jármeńkede Sozaq aýdanynyń mádenıet salasynyń qyzmetkerleri óner kórsetip, jurtshylyqqa kóterińki kóńil-kúı syılady.

 

Sońǵy jańalyqtar