19 Shilde, 13:09 386 0 Ishki saıasat Túrkistan Gazeti

Arýjan Saın jańa qyzmetke taǵaıyndaldy

Memleket basshysynyń Ókimimen Arýjan Saın Qazaqstan Respýblıkasyndaǵy Bala quqyqtary jónindegi ýákil qyzmetine taǵaıyndaldy.

«Belgili qoǵam qaıratkeri Arýjan Saıyndy Bala quqyqtary jónindegi ýákil etip taǵaıyndadym. Jemisti jumys atqarady dep senemin. Senator Sáýle Aıtpaevaǵa osy laýazymdaǵy jumysy úshin rızashylyq bildiremin», - dep jazdy Prezıdent Twitter-degi paraqshasynda.

Arýjan Saın 1976 jyly 10 tamyzda Qyzylorda qalasynda dúnıege kelgen.

Ál-Farabı atyndaǵy Qazaq Ulttyq ýnıversıtetiniń geografııa fakýltetin bitirgen.

Eńbek joly: Habar telearnasyndaǵy kúndelikti «Razmınka» baǵdarlamasynyń telejúrgizúshisi (1993 jyldan bastap); «Dámdi jáne tez», ary qaraı «Juldyzdy menıý» kýlınarlyq baǵdarlamalarynyń telejúrgizýshisi (1994-1999); «Erkemaı» búldirshin oıyn baǵdarlamasynyń telejúrgizýshisi (1994-2000); «El Arna» telearnasyndaǵy «Ana mektebi» tanymdyq baǵdarlamasynyń telejúrgizýshisi (2006 jyldan bastap); «Sabyrlyq, tek sabyrlyq» tok-shoýynyń telejúrgizýshisi (2010 jyldan bastap); «Búldirshinderge Ómir syıla» baǵdarlamasynyń júrgizýshisi (2011 jyldan bastap). 2009 jyly «Múgedekterge qamqorlyq jasaǵany úshin» atalymy boıynsha «Altyn júrek» («Zolotoe serde») syılyǵyna usynylǵan. «Halyq súıiktisi» ulttyq syılyǵynyń laýreaty.

Sońǵy jańalyqtar