18 Shilde, 13:32 463 0 Bilgenge marjan Túrkistan Gazeti

Qajylyqqa qaı aımaq turǵyndary kóp barady?

Bıyl qajylyq saparǵa elimizden 3200 adam barmaq.

QR Aqparat jáne qoǵamdyq damý mınıstrligine qarasty Din isteri komıtetiniń tóraǵasy Erjan Núkejanovtyń aıtýynsha, bıyl qjylyq saparǵa elimizden 3200 adam barmaq.

«Qajylyq saparǵa arnaıy mıssııa quryldy. Oǵan din isteri komıteti men Qazaqstan musylmandary Dinı basqarmasynyń ókilderi, densaýlyq saqtaý mınıstrliginiń ókilderi kirip otyr. Qajylyq kezinde uıymdastyrý jaǵynan, densaýlyq máselesi boıynsha qıyndyqtar týyndap jatsa, mıssııa ókilderi kómektesetin bolady. Búginge deıin qajylyqqa nıet bildirgen musylmandar úshin arnaıy semınarlar uıymdastyrdyq. Bul sapardyń qansha paryzy, ýájipteri men súnneteri bar ekeni eldegi 500-den astam meshitte túsindirildi. Arnaıy semınarlardan ótken musylmandar Saýd Arabııasy elinde sol úırengenderi boıynsha qulshylyq etetin bolady», - deıdi Erjan Núkejanov Ortalyq kommýnıkaııalar qyzmetinde ótken jıynda.

Komıtet ókiliniń aıtýynsha, bıylǵy qajylyq maýsymy shildeniń 30-ynan bastalady.

«30 shilde kúni qajylyqqa nıettengen azamattar Shymkent jáne Aqtaý qalalarynan Saýd Arabııasyna sapar shegedi. Saýd Arabııasy tarapynan bizdiń azamattarǵa 3200 kvota bólingen bolatyn. Bul iske eki áýe kompanııasy tartylyp otyr. Onyń biri Saýd Arabııasynan Flynas kompanııasy bolsa, Qazaqstan tarapynan SCAT kompanııasy. Olardyń árqaısysy 1600 adamnan tasymaldaıdy», - dedi Din isteri komıtetiniń ókili.

Qazaqstan musylmandary Dinı basqarmasy tóraǵasynyń birinshi orynbasary, naıb múftı Naýryzbaı Ótpenov qajylyqqa nıettenýshiler arasynda Túrkistan oblysynyń turǵyndary kóp ekenin aıtady.

«Halyqtyń kóp ornalasýy men meshit sanynyń kór bolýyna baılanys Túrkistan oblysynan qajylyqqa barýǵa nıet bildirýshiler sany kóp. Aıta ketsek, bul óńirde 800-den astam meshit bar. Jas erekshelikterine keletin bolsaq. Qajylyq mindeti balaǵat jasyna (kámelet jasy) tolǵan azamattarǵa paryz bolyp sanalady. Bıylǵy baratyn azamattardyń orta jasy 30-50 jas aralyǵyn qamtıdy. Árıne baramyn deýshilerdiń arasynda úlken kisiler óte kóp. Biz olarǵa aldymen densaýlyq jaǵdaıyn oılaýǵa keńes beremiz. Sebebi qajylyq jaı ǵana baryp keletin sapar emes», - dedi ol.

 

Sońǵy jańalyqtar