18 Shilde, 12:41 602 0 Óner Dınara MYŃJASARQYZY

«Arystan patsha» – qazaq tilinde

 «Arystan patshanyń» kópten kútken Disney remeıki búginnen bastap respýblıkalyq prokatqa shyqty. Anımaııalyq fılm «Bolashaq» korporatıvtik qory jáne «Meloman» kompanııasynyń bastamasymen «Ózińnen basta» jobasy aıasynda dýblıajdaldy.

Joba «Nur Otan» partııasy jáne Almaty qalasy ákimdiginiń qoldaýymen júzege asyrylýda. Bul - mahabbat pen dostyq, adaldyq pen bılik úshin kúresken afrıkalyq Savannany mekendeýshiler týraly Disney-diń anımaııalyq kınotýyndysy. Ańdar patshasy Mýfasanyń murageri Sımba dúnıege keledi. Fılmde muragerdiń erkelikten - baqytsyzdyqqa, beıqam kezbeden - qutqarýshy men barlyq ańdardyń ámirshisine deıingi buralańǵa toly ómiri baıandalady. Fılmniń kastıngine Nur-Sultan jáne Almaty qalalarynan 50-den astam akter qatysqan. «Bul - qazaq tiline dýblıajdalǵan alǵashqy fılmim emes. Qıyndyqtar boldy, biraq maǵan bári unady. Men Sımbanyń ákesi Mýfasany dýblıajdadym, ózimniń rólimdi óte mańyzdy dep sanaımyn, óıtkeni ol barlyq janýarlardyń ıesi jáne patshasy. Fılmdegi róli qysqa, biraq eleýli, ol óz ulyna qamqorlyq jasaıdy. Árıne, dýblıaj kezinde qyzyqty oqıǵalar boldy, bir jerde olar mátindi durys aýdarmapty, biraq men úsh saǵatta qaıta aýdaryp shyqtym. Aldymen kastıng ótkizildi. Úsh adamnyń ishinen meni tańdap aldy. Rejısserge rızamyn. Meniń oıymsha, kórermender bizdiń jumysymyzǵa óz baǵasyn beredi», - deıdi akter Bekbolat Qurmanǵojaev.

Qazaq tilindegi fılmniń basty saýndtregin tanymal qazaqstandyq ánshi Marjan Arapbaeva oryndady. Arystan Nalanyń «Alǵa» ánin «X-Factor» telejobasynyń jeńimpazy Darııa Ǵabdýll shyrqady. Qazaq tili dýblıajynyń rejısserligi Shah-Murat Ordabaevqa buıyrdy. «Ózińnen basta» - gollıvýdtyq fılmderdi qazaq tiline dýblıajdaýǵa baǵyttalǵan joba. «Bolashaq» korporatıvtik qory jáne «Meloman» kompanııasynyń bastamasymen 2011 jyldan bastap júzege asyrylýda. Áleýmettik jáne kommerııalyq maqsattardy kózdemeıdi. «Ózińnen basta» jobasy aıasynda qazaq tiline Gollıvýdtyń 31 kınotýyndysy dýblıajdaldy, olardyń ishinde: «Tachkı-2»/»Kólikter 2»,«Mstıtelı-2: Era Altrona»/ «Kek alýshylar: Altron dáýiri», «Hrabraıa serdem»/«Batyl júrek», «Taına Koko»/«Kokonyń qupııasy»,«Moana»,«Malefısenta»,«Aladdın», «Istorııa ıgrýshek-4»/ «Oıynshyqtar hıkaıasy-4» jáne basqa týyndylar bar. «Walt Disney Pictures»/ «Pixar» stýdııalarynyń 15 anımaııalyq fılmi jáne «Sony Pictures», «Disney», Lucasfilm Ltd jáne Marvel Studios Inc. stýdııalarynyń otbasymen kórýge arnalǵan 16 fılmi bar. 2019 jyly qazaqstandyq kórermenderdi qazaq tiline aýdarylǵan taǵy eki fılmniń premerasy kútip tur. Qazan aıynda «Malefısenta» jáne qarasha aıynda «Muzdy ólke 2» kórsetilimge shyǵady. Jobanyń arqasynda 100-den astam otandyq akter «Walt Disney Pictures» daýystar bazasyna engizilgen.

Sońǵy jańalyqtar