18 Shilde, 12:47 523 0 Nur Otan Túrkistan Gazeti

Nur Otan - aptalyq sholý

Analarǵa berilgen múmkindik

«Nur Otan» partııasy kópbalaly analarǵa qoldaý kórsetýdi toqtatqan emes. Sonyń bir aıǵaǵy – analarǵa berilgen myna bir múmkindik. Apta basynda elordalyq 20 kópbalaly anaǵa tigin sheberligin meńgergenin aıǵaqtaıtyn arnaıy sertıfıkat pen alǵashqy kásipterin bastaýǵa jol ashatyn tigin mashınasy berildi.

Kópbalaly jáne ómirde qıyn jaǵdaıǵa tap bolǵan otbasynda bala tárbıelep otyrǵan analarǵa mundaı múmkindikti «Nur Otan» partııasy janyndaǵy Balalar quqyǵyn qorǵaý jónindegi respýblıkalyq keńes pen Qazaqstan Isker áıelder qaýymdastyǵy jáne «Iýtarııa» tigin fabrıkasy berip otyr.

Balalar quqyǵyn qorǵaý jónindegi keńes pen Qazaqstan Isker áıelder qaýymdastyǵy «Baqytty otbasy» partııalyq jobasynyń aıasynda «Jár­­dem» baǵdarlamasyn iske asyrǵan bolatyn. Atalmysh baǵdarlama sá­bıi bar analar balasyn qaraýsyz qal­dyrmaıtyndaı etip olardyń úıde jumys isteýine, sondaı-aq, ómirde qıyn jaǵdaıǵa tap bolǵan otbasylardyń qarjylyq jaǵdaıyn jaqsartý úshin múmkindikter jasaýdy kózdeıdi.

Mańyzdy sharaǵa qatysqan «Nur Otan» partııasynyń hatshysy Álibek Áldeneı analardyń qoǵamdaǵy róline, ulttyq bolmys pen ereksheli­gi­mizdi saqtap qalý jolyndaǵy olardyń eren eńbegine erekshe toqtaldy. «Soǵys órti men talaı qýǵyn-súrgindi basynan ótkergen ult rýhynyń qaıta tirilýine birden-bir sebepker bolǵan – aq jaýlyqty analarymyz. Er-azamaty maıdanǵa attanǵanda basqa túsken aýyrtpalyqqa moıymaı, balalaryn asyrap, el qataryna qosqan analar boldy. Sondyqtan anaǵa degen qurmetimiz sheksiz. Sizderdiń kópbalaly ana retinde qolǵa alǵan kásiptiń otbasylaryńyzǵa tabys ákeletinine senimdimiz. Árıne, ár kásiptiń óz qıyndyǵy bar. Biraq ynta men jiger bolsa, kez kelgen qıyndyqty jeńýge bolady», – dedi partııa hatshysy.

Sondaı-aq, Álibek Áldeneı mundaı ıgi bastamalardyń jalǵasatynyn jáne partııanyń kópbalaly ana­larmen tikeleı baılanys ornatýǵa daıyn ekenin jetkizdi. «Iýtarııa» tigin fabrıkasynyń óndiristik bazasynda eki apta boıy qaıta daıarlaýdan ótken analarǵa Tuńǵysh Prezıdent – Elbasy qory demeýshilik jasap, tigin mashınalaryn tartý etti. Osy oraıda, Balalar quqyǵyn qorǵaý jónindegi keńes tóraǵasynyń orynbasary Dınara Zakıeva «Járdemdi» júzege asyrýǵa qoldaý bildirgen Tuńǵysh Prezıdent – Elbasy qory men «Iýtarııa» fabrıkasyna alǵysyn bil­dirdi. «Ananyń bala tárbıesinen qol úzbeı-aq, úıde otyryp jumys isteýine jaǵdaı jasaý úshin tiginshilik jáne aspazdyq kýrstar ashtyq. Búgin osy kýrstyń alǵashqy legi oqýdy támam­dady. Kýrs barysynda analarǵa ti­gin­shiliktiń qyr-syrynan bólek, qazirgi tańda elimizde qolǵa alynǵan memlekettik baǵdarlamalar túsindi­rildi.  Sonymen qatar, analardyń al­­ǵashqy tapsyrystar alyp, daıyn ónimderin satýǵa qol ushyn berý úshin naryqta qalyptasqan kásipkerler de osy jumysqa jumyldyryldy. Sondyqtan atalǵan baǵdarlamany óte tıimdi, keshendi ári paıdaly boldy deýge negiz bar», – dedi Dınara Zakıeva.

Osy kýrsty támamdaǵan tórt balanyń anasy Indıra Mıyqbaeva ba­­lalary kishkentaı bolǵandyqtan, bu­ǵan deıin mamandyǵy boıynsha jumys istemegenin, endi tegin qaıta daıarlyqtan ótý arqyly jańa kásipti meńgergenin qýana jetkizdi. «Negizgi maqsatym – úıde otyryp-aq jeke bıznes ashý. Ol úshin memlekettiń jasaǵan barlyq múmkindigin paıdalanǵym keledi. Nur Otan partııasynyń «Baqytty otbasy» jobasy týraly es­tip-bildim. «Járdem» baǵdarlamasynyń ıgiligin ózim kórip otyrmyn. «Ata­meken» UKP-nyń mamandary osynda kelip, bizge qazir qandaı memlekettik granttar bar, olardy qalaı alýǵa bolady, shaǵyn kásiporyndy qalaı ashady, jeke kásipkerlikti qalaı tirkeıdi degen saýaldar tóńireginde semınar-trenıng ótkizdi. Sondyqtan, óz kásibimdi bastaýǵa daıynmyn», – dedi kópbalaly ana Indıra Mıyqbaeva.

Aıta keteıik, «Iýtarııa» tigin fabrıkasy analardy tigin sheberligine úıretip qana qoımaı, balalaryn balabaqshaǵa ornalastyryp úlgergenin jumysqa qabyldaýǵa da daıyn. Sondaı-aq, tiginshilikti meńgergisi keletin ózge de kópbalaly analardy kýrstyń ekinshi legine qabyldaý bastaldy.

 

Keshen jumysy qarqyndy

QR Parlamenti Májilisiniń depýtaty, «Nur Otan» partııasynyń frakııa múshesi Nurjan Áltaev Shymkent qalasyna jumys saparymen baryp, birqatar kezdesýler ótkizdi.

Seısenbi kúni depýtat «Conti­nen­tal Logistics Shymkent» kólik lo­gıs­tıkalyq ortalyǵynyń jumysymen tanysyp, ujymmen kezdesti. 2017 jyldyń jeltoqsan aıynda iske qosylǵan A+ sanatyndaǵy «Continental Logistics Shymkent» kesheniniń búgingi jumysy qarqyndy. Munda qurǵaq jáne klımattyq qoımalardan bólek konteınerlik termınal, kedendik resimdeý aımaǵy men ilespeli qurylymdary bar.

«Batys Eýropa — Batys Qytaı» kólik magıstraline jáne áýejaıǵa jaqyn ornalasqan «Continental Logitics Shymkent» jańa kóliktik-logıstıkalyq ortalyǵynda tikeleı temirjol jelisi de qarastyrylǵan. Mundaǵy mamandar marketıng pen menedjmentti keńinen qoldana otyryp keshenniń múmkindikterin tolyq paıdalanýǵa kirisken.

Ortalyqpen tanysý barysynda depýtat Nurjan Áltaev Shymkenttegi alyp keshenge kelýdegi maqsatymen bólisti. «Kólik-logıstıkalyq ortalyǵy bizdiń aýylsharýashylyǵynyń kóptegen máselelerin sheshetin mańyzdy jobanyń biri. Bizdegi kóptegen fermerlerdiń, solardyń ózderiniń prodýkııasyn qalalarǵa shyǵarý úshin logıstıkalyq ortalyq, qoımalar qajet. Qazirgi tańda aýylsharýashylyq ónimderiniń baǵasynyń ósip jatqany osyndaı qoımalardyń joqtyǵynan. Biraq qazir bul úlken jobanyń iske asyp jatqanyna óte qýanyshtymyn. 93 gektar aýmaqta ornalasqan nysan taýardy jınaý jáne saqtaýǵa baǵyttalǵan ortalyqtyń negizgi artyqshylyǵy – nysannyń qolaıly jerde ornalasýynda. Osynda saqtalatyn otandyq ónimder jergilikti saýda ortalyqtaryna jetkizilip jatyr. Sondaı-aq, taǵy bir joba logıstıkalyq ortalyqtyń janynan 200 gektar aýmaǵynda agro-ındýstrıaldy ortalyq salynaıyn dep jatyr. Ol jerde fermerlerdiń kelgen taýarlaryn óńdep, qoımalarda saqtalady. Osy jobalardy júzege asyrý úshin ary qaraıda jumysty atqaratyn bolamyz», – dedi Nurjan Áltaev.

Ortalyqta búginde Ózbekstan, Tájikstan, Qyrǵyzstan jáne Reseıden kelip jatqan tranzıttik júkter saqtalady jáne kedendik rásimdeýden ótedi. Árqaısysynyń aýmaǵy 10 myń 300 sharshy metr bolatyn eki qoıma jumys isteıdi. Qoımalar halyqaralyq deńgeıdegi «A» sanatynyń talaptaryna saı. Qazaqstan men Ózbekstan arasyndaǵy saýda-ekonomıkalyq qarym-qatynasty jaqsartý úshin endi eki el arasynda logıstıkalyq birlesken kásiporyn qurý josparda bar.

 

Jastar ıgiligine – jańa ortalyq

«Nur Otan» partııasynyń «Qazaqstan kitaphanalary – zamanaýı bilim ortalyqtary» partııalyq jobasy aıasynda bilim ortalyǵy ashyldy. Májilis depýtaty Irına Aronovanyń Qostanaı oblysyndaǵy Qarabalyq aýdanyna jumys sapary aıasynda jańa ortalyqtyń tusaýy kesildi.

Munda túrli ádebıettermen, oqý quraldarymen qatar, kez kelgen aqparatty onlaın rejımde alýǵa múm­kin­dik jasalǵan. Ortalyq ınternet jelisimen, ıfrly tehnologııalarmen, qajetti jıhazdarmen tolyqtaı qamtamasyz etilgen. Ortalyqqa kelýshiler qajetti aqparat alyp qana qoımaı, ózara oı-pikir, tájirıbe almasýǵa, shyǵarmashylyq eńbekpen aınalysýǵa múmkindik alady.

«Bastysy, jastardyń jańasha bi­lim alyp, ony durys paıdalana bilýde. Tehnologııalardyń keleshegi zor. Sondyqtan ınnovaııalyq bilim alýǵa múmkindik jasaý – memleket saıasatynyń mańyzdy baǵyttarynyń biri. «Qazaqstan kitaphanalary – zamanaýı bilim ortalyqtary» jobasynyń sheńberinde qazir elimizde kitaphanalar osyndaı ýaqyt talabyna saı bilim ortalyqtaryna aınaldyrylyp, tıi­sin­she jabdyqtalyp, elektrondy úlgige kóshirilýde», – deıdi Májilis depýtaty Irına Aronova.

Ortalyq kitaptyń, túrli ádebıetterdiń de qadirin arttyryp, kóp­shi­lik­tiń ýaqytyn tıimdi ótkizýine septigin tıgizedi. Aıta ketý kerek, bul – óńirdegi osymen altynshy bilim ortalyǵy. Endi aýdan turǵyndary halyqqa qyzmet kórsetý ortalyǵyna júginbeı-aq, birqatar qyzmet túrlerin ala alady.

 

Turǵyndar saýalyna jaýap qatty

Halyq qalaýlylarynyń aımaqtarǵa sapary jalǵasýda. QR Parlament májilisiniń depýtaty Álııa Saparova Atyraý oblysyna arnaıy issaparmen baryp, jergilikti kásiporyn mekemeleriniń ujymymen kezdesýler ótkizdi.

Depýtat sapar barysynda Atyraýda memlekettik baǵdarlamalar aıasynda júzege asyp jatqan jobalardy kórip, olardyń keleshekte damýy úshin qajetti qoldaýlardyń jasalatynyn jetkizdi. Halyq qalaýlysy «Nur Otan» partııasy Atyraý oblystyq fılıalynda turǵyndarmen júzdesti.

Qabyldaýǵa kelgen turǵyndardyń biri K.Áýbekerov ózin mazalap júrgen másele jaıly sóz qozǵap, depýtattan kómek surady. «Topyraqtyń 80-nen astam túri bar. Topyraqta baǵa bolmaýy tıis. Topyraq jer qoınaýynyń qazba baılyǵyna jatpaıdy, bekitilgen halyqaralyq standarttarda solaı bolatyn. Bul jóninde 7 ret sot otyrysynda jeńip te shyqqanmyn. Alaıda qazir sol topyraqqa baǵa qoıyp, jol salý jumystary shamadan tys qymbatqa shyǵýda. Ony túzetý úshin zańdylyqtarǵa ózgerister engizilýi tıis», – dedi atyraýlyq turǵyn.

Turǵyndardyń usynys-tilekterin muqııat tyńdaǵan depýtat máseleniń sheshý joldaryn qarastyratynyn aıtty. Kóterilgen máselelerge nazar aýdarǵan Májilis depýtaty túıtkilderdi sheshýdiń zańdyq joldaryn túsindirdi. Depýtat ataýly áleýmettik kómek, kópbalaly, az qamtylǵan otbasylardy qoldaý jáne jalaqyny arttyrý tóńireginde Elbasy qabyldaǵan tapsyrmalardy halyqqa tanystyryp ótti. Jıyn sońynda turǵyndardyń kókeıkesti suraqtaryna jaýap berdi.

 

Kópbalaly otbasylarǵa qoldaý kórsetilmek

Batys Qazaqstan oblysyna jumys saparymen Qazaqstan Respýblıkasy Parlamenti Májilisiniń depýtattary Qanat Mýsın, Shavhat Ótemisov keldi. Depýtattar Zashaǵan kentindegi «Nurly jer» baǵdarlamasy boıynsha salynyp jatqan 9 qabatty úıdiń qurylysymen tanysty.

«Nurly jer» memlekettik turǵyn úı qurylysy baǵdarlamasynyń negizgi maqsaty – halyq úshin turǵyn úıdiń qoljetim­diligin arttyrý.

«Jalpy Oral-Saratov trassasy boıynda bekitilgen qujatqa sáıkes 9 úı salý josparlanyp otyr. Búgingi tańda onyń 7-eýi salynýda, ıaǵnı osy jyly 774 páter qoldanysqa beriledi. Atalmysh úılerden basqa osy jyldyń tórtinshi toqsanynda Zashaǵan kentinde kezekte turǵan áleýmettik osal toptarǵa arnalǵan qurylys nysanyn tapsyrysqa berý josparda bar», – dedi oblystyq qurylys basqarmasynyń basshysy Álibek Antazıev.

Al Májilis depýtaty Shavhat Ótemisov: «Nurly jer» baǵdarlamasy aıasynda qazirgi tańda elimizde myńdaǵan páter salynýda. Nátıjesinde, kóptegen jerlesterimiz turǵyn úıge qol jetkizip jatyr. Bárimizge belgili sońǵy ýaqytta kópbalaly otbasylardy turǵyn úımen qamtamasyz etý jumystaryna basty nazar aýdarylyp otyr. Elbasynyń tapsyrmasy boıynsha jyl saıyn 50 mlrd teńge qarajat bólinetin bolady. Búkil qarajat naqty, tikeleı kóp balaly otbasylardy turǵyn úımen qamtamasyz etýge jumsalady», – dep atap ótti.

 

Páter kilti tabystaldy

«Nur Otan» partııasynyń «Baqytty otbasy» partııalyq jobasy aıasynda Shyǵys Qazaqstan oblysy Zaısan aýdanynda kópbalaly jáne az qamtylǵan otbasylardy qoldaý jumystary jalǵasyn tabýda.

Aýyldyq jerlerde turatyn turǵyn úıge muqtaj kópbalaly jáne az qamtylǵan otbasylarǵa «Paryz» qorynyń qarjysy ese­binen satyp alynǵan baspanalar berildi. «Nur Otan» partııasy Shyǵys Qazaqstan oblystyq fılıalynyń tóraǵasy, oblys ákimi Danıal Ahmetovtiń tikeleı tapsyrmasymen kópbalaly otbasylardy turǵyn úımen qam­tamasyz etý máselesin sheshý jóninde óńir­lik qoǵamdyq komıssııa qurylyp, jumy­syn bastap ketti. Quramyna kópbalaly analar qosylǵan atalǵan komıssııa satylym­daǵy úılerdiń turýǵa jaramdy, aýyldyq jer bolǵandyqtan mal ustap, baqsha ósi­rýge yńǵaılysyn tańdap usynys jasady.

Kópbalaly otbasylarǵa úılerdiń kiltin «Nur Otan» partııasy aýdandyq fılıalynyń tóraǵasy, aýdan ákimi Serik Aqtanov ta­bystady. Saltanatty sharadan soń baspanaly bolǵan segiz balanyń anasy, «Altyn alqa» ıegeri Jańylhan Býkanova sóz sóıledi. «Osyǵan deıin otbasymyzben páter jaldap turdyq. Ózimizdiń úıimiz bolmady. Búgingi qýanyshtyń orny bir bólek. Aýdan ákiminiń qolynan páterdiń kiltin aldyq. Dál mendeı qýanyp otyrǵan ózge de kópbalaly otbasylardy qýanyshtarymen quttyqtaımyn. Kópbalaly otbasyǵa jaǵdaı jasap jatqan Prezıdent Qasym-Jomart Kemelulyna, oblys ákimi Danıal Kenjetaıulyna, aýdan ákimi Serik Qasymbekulyna rızashylyǵymdy bildirgim keledi», – dedi ol. Baspanaly bolǵanyna shattanǵan kópbalaly analar basshylyqqa alǵysyn jet­kiz­di.

Sońǵy jańalyqtar