18 Shilde, 12:26 586 0 Qoǵam Turkystan Support

100 myń teńgeni kim alady?

Úkimetten qoldaýǵa beriletin qarjyny qaı aýyldar alatyny belgilendi. Atap aıtqanda, atalǵan ótemaqy qarjysy Arys qalasy men irgesindegi úsh aýyldyń turǵyndaryna beriledi.

Arys qalasyndaǵy tótenshe jaǵdaıǵa baılanysty 100 myń teńge ótemaqy berý boıynsha túrli saýaldar týyndaýda. Tarqatyp aıtar bol-saq, atalǵan qarjyǵa baılanysty kórshi eldimeken turǵyndarynan da suraqtar kelip túsýde. Alaıda Úkimet bekitken tizim boıynsha ótemaqy beriledi. Atap aıtqanda, Arys qalasy boıynsha – 44 994 adam, Aqdala aýyldyq okrýginde – 4 324 adam, Qojatoǵaı aýyldyq okrýgi boıynsha – 4 232 adam, Dermene aýyldyq okrýginde – 2 052 adam. Jalpy, birinshi kezek-te 55 602 turǵynǵa 100 myń teńgeden 5,6 mlrd teńge kóleminde ótemaqy tóleý josparlanyp otyr. Ótemaqy tóleýge Úkimet rezervi esebinen 3 mlrd teńge, oblystyq bıýdjetten 1 mlrd teńge jáne arnaıy qurylǵan «Túrkistan» áleýmettik qoryna túsken qarjydan 1,6 mlrd teńge bólinedi dep kútilýde. Jergilikti turǵyndardan qujattardy qysqa merzimde jınaýǵa Arys qalasyndaǵy 17 sektorda bekitilgen tıisti mamandar jáne aýdan, qala ákimdikteriniń qyzmetkerleri jumyldyrylǵan. Olar 2019 jyldyń 3 shildesinen bastap ótemaqy alýǵa ótinishter jınaqtaýda.

 

«Túrkistan-aqparat»

Sońǵy jańalyqtar