17 Shilde, 13:49 422 0 Óndiris Túrkistan Gazeti

Altaı Kólginov Astana LRT jobasy jaıynda pikir bildirdi

Nur-Sultan qalasynyń ákimi Altaı Kólginov Astana LRT jobasy boıynsha buǵattalǵan qarjyny memleketke qaıtarýdy tapsyrdy.

Memleket basshysynyń Úkimettiń keńeıtilgen otyrsynda bıýdjetti tıimdi ıgerý boıynsha aýqymdy tapsyrmalar bergenin eske salǵan Altaı Kólginov Astana LRT jobasy jaıly sóz qozǵady.

«Memleket basshysy Qasym-Jomart Toqaev Astana LRT joba quny tym joǵary ekenin, ózin-ózi aqtaıtyny kúmándi ekenin aıtty. Qazir Úkimetpen birge qurylys qunyn ońtaılandyrý boıynsha jumystar istep jatyrmyz. «Astana» bankiniń LRT qurylysy boıynsha buǵattalǵan barlyq qarajaty memleketke qaıtarylýy tıis», - degen qala ákimi aldaǵy ýaqytta bıýdjettik baǵdarlamalardyń qaıta jasalatynyn jetkizdi.

«Imıdjdik jobalardan tartyný qajet bolady. Prezıdent bul turǵyda aıqyn maqsat qoıdy. Bıýdjettik jobalar «Ne úshin qajet» jáne «Áleýmettik-ekonomıkalyq tıimdiligi qandaı» degen eń qarapaıym eki saýalǵa jaýap berý tıis ekenin atap ótti. Rasymen de jobany daıyndaǵanda tehnıkalyq-ekonomıkalyq qujattama men jobalyq smetasynan buryn qandaı áleýmettik-ekonomıkalyq máseleni sheshetinine bas aýyrtý qajet», - dedi Altaı Kólginov.

 

Sońǵy jańalyqtar