17 Shilde, 10:42 383 0 Bilgenge marjan Túrkistan Gazeti

«Batyr qoıan»-nyń tusaýy kesiledi

2019 jylǵy 20 shilde kúni QR Ulttyq kitaphanasynda jas qalamger Meıirjan Jylqybaıdyń «Batyr qoıan», «Taýǵa saıahat» atty kitaptarynyń tusaýkeser rásimi ótedi.

QR Mádenıet jáne sport mınıstrliginiń qoldaýymen Azııa Mádenıetin Zertteý Instıtýty (Kvandjý, Ońtústik Koreıa) jáne Qazaqstan Respýblıkasynyń Ulttyq kitaphanasynyń birlesýimen jaryqqa shyqqan «Batyr qoıan» ertegisi 2017 jyly Ońtústik Koreıada úsh tilge aýdarylyp, basylyp shyqty.

Meıirjan Jylqybaı – Jambyl oblysy, Jańatas qalasynyń týmasy. Almaty tehnologııa ýnıversıtetiniń ınjınırıng jáne aqparat tehnologııalary fakýltetiniń túlegi. 2008 jyly onyń “Taýǵa saıahat” áńgimeler toptamasy Dýlat Isabekovtiń alǵysózimen jaryq kórdi. 2011 jyly “Qyryq birinshi ótiriktiń sońy” týyndysy úshin halyqaralyq “Daraboz” ádebı baıqaýynda yntalandyrý syılyǵyn, 2015 jyly “Saıaq” áńgimesi úshin júldeli 2-oryn aldy.

Shara aıasynda Azııa Mádenıetin Zertteý Instıtýtynyń janyndaǵy teatr «Jyl qalaı bastalady» ertegisin sahnalap, balalarǵa kitaptar men syılyqtar taratady.

Is-sharaǵa Dýlat Isabekov, Zeınep Ahmetova, Koreı Respýblıkasynyń Qazaqstandaǵy bas konsýly Djon Syn Mın jáne BAQ ókilderi qatysady.

Sońǵy jańalyqtar