16 Shilde, 12:55 413 0 Ishki saıasat Túrkistan Gazeti

Talaıdan jyr bolǵan jer daýy sheshildi

Shyǵys Qazaqstanda eki jyl boıy jol qurylysyna kedergi bolǵan jer daýy sheshimin tapty. Bul týraly QR Indýstrııa jáne ınfraqurylymdyq damý mınıstrligi «QazAqparattyń» resmı saýalyna bergen jaýabynda aıtty.

Óskemen-Rahman qaınary baǵytyndaǵy joldyń Osınov ıregi dep atalatyn tusy eń qaýipti bólik sanalady. Osy ırekti aınalyp ótetin tike joldyń qurylysy 2017 jyly bastalǵan bolatyn. Keıin joldyń keıbir bóligi orman qoryna kiretindikten, qurylys jumysy kesheýildep qalǵan. Aýyl sharýashylyǵy mınıstrligi memlekettik orman qoryndaǵy jerdi qurylysqa paıdalanýǵa ruqsat bermegen. Saldarynan eni 177 metr bolatyn, tereńdigi keı tustarda 45 metrden asatyn saıǵa kópir salý jumysy orta jolda toqtatylǵan.

QR Indýstrııa jáne ınfraqurylymdyq damý mınıstrliginiń málimeti boıynsha, osy máseleni birjola sheshetin Úkimet qaýlysy shyǵypty.

«Qazaqstan Respýblıkasy Úkimetiniń qaýlysyna sáıkes Shyǵys Qazaqstan oblysynyń tabıǵı resýrstar jáne tabıǵat paıdalanýdy retteý basqarmasy «Óskemen orman sharýashylyǵy» kommýnaldyq memlekettik mekemesiniń orman qory jerleri sanatynan jalpy aýdany 1,55 jáne 24,3 gektar jer ýchaskeleri ónerkásip, kólik, baılanys jerleri, ǵarysh qyzmeti, qorǵanys, ulttyq qaýipsizdik muqtajdyqtaryna arnalǵan jáne ózge de aýyl sharýashylyǵyna arnalmaǵan jerler sanatyna aýystyryldy. Osy qaýlynyń 1-tarmaǵynda kórsetilgen jer ýchaskelerin respýblıkalyq mańyzy bar «Óskemen – Altaı – Úlken Naryn – Katonqaraǵaı – Rahman qaınary» avtomobıl jolynyń (72-88 km) jáne (56-72 km) ýchaskelerin rekonstrýkııalaý úshin «Qazaqstan Respýblıkasy Indýstrııa jáne ınfraqurylymdyq damý mınıstrliginiń avtomobıl joldary komıteti» respýblıkalyq memlekettik mekemesine berilýi qamtamasyz etildi. Qazirgi tańda joǵaryda atalǵan ýastkede qurylys jumystary tolyqtaı júrgizilýde», - delingen resmı málimette.

 

Sońǵy jańalyqtar