16 Shilde, 10:20 417 0 Qoǵam Túrkistan Gazeti

820 mıllıon adam ashtyqtyń zardabyn shegýde

Jahanda ashyqqan adamdar sany jyldan-jylǵa artyp keledi. Jýyrda BUU mamandary osylaı dep dabyl qaqty. Zertteýshilerdiń esebinshe qazir jer sharynda 820 mıllıonǵa jýyq adam ashtyq taýqymetin tartýda. 

BUU Azyq-túlik jáne aýyl sharýashylyǵy uıymy, Halyqaralyq aýyl sharýashylyǵyn damytý qory, Dúnıejúzilik azyq-túlik baǵdarlamasy jáne Dúnıejúzilik densaýlyq saqtaý uıymynyń birlese ázirlegen baıandamasynda aıtylýynsha, ásirese Afrıka elderinde ashtyqtan zardap shegip otyrǵandardyń sany ósý ústinde – qara urlyq halqynyń besten biri qara qazan qaınata almaı otyr.

Bul kórsetkish Latyn Amerıkasy jáne Karıb basseıninde shamamen 7 paıyzǵa, al Azııada 12 paıyzǵa jetken. Eger osy tendenııa jalǵasa berse, Turaqty damý maqsattarynyń ekinshisi sanalatyn 2030 jylǵa qaraı ashtyqty joıý múmkin bolmaıdy, dep sanaıdy sarapshylar. Baıandamada 2015 jyly 20,5 mıllıon bala salmaǵy az bolyp týǵan.

Qýanarlyq derek te bar, sońǵy alty jylda boıy kesheýildep ósetin balalar sany 10 paıyzǵa qysqarǵan. Mamandardyń aıtýynsha, tolyqqandy tamaqtanbaý semizdikke ákep soqtyrýda.

2016 jyly álemde 2 mıllıardtan astam adamda artyq salmaq bolypty. 1,3 mıllıard adam, ıaǵnı álem halqynyń 17 paıyzdan astamynda tolyqqandy tamaqtaný múmkindigi joq. «Olar ashtyqtan zapdap shegip otyrǵan joq, degenmen, olar toıyp tamaq jemegendikten, densaýlyǵy nasharlaýy múmkin», - deıdi sarapshylar.

Tegter Jahan ashtyq

Sońǵy jańalyqtar