16 Shilde, 10:11 447 0 Shoý-bıznes Túrkistan Gazeti

Ádilhan Makın «Slavıan bazary-2019» baıqaýynyń bas júldesin ıelendi

T.Júrgenov atyndaǵy Qazaq ulttyq óner akademııasynyń stýdenti Ádilhan Makın «Slavıan bazary-2019» halyqaralyq festıvalinde Gran-prıge ıe boldy.

Bul týraly akademııa rektory Ashat Maemırov Vıtebskiden málim etti. A.Maemırov Facebook-tegi paraqshasynda: «Ádilhan Makın estrada óneri fakýltetiniń 4 kýrsynda oqıdy. -Elimizdiń kók baıraǵyn jelbiretip, mereıimizdi tasytqan óner jeńisi qutty bolsyn!» – dep jazdy.

Osydan dál tórt jyl buryn «Slavıan bazary-2015» halyqaralyq festıvalinde Dımash Qudaıbergen tuńǵysh ret Gran-prıdi jeńip alsa, 2018 jyly Ernar Sadyrbaı birinshi júldege ıe bolǵan edi. Vıtebskide Dımash Qudaıbergen baǵyndyrǵan bıik bıyl Ádilxan Makınniń jeńisimen jańǵyrdy. Eki kún boıy erekshe talanty men vokaldyq múmkindikteri úılesip, kásibı oryndaýshylyq deńgeıi men akterlik sheberligi jarasym tapqan Ádilxan Makın - qazylar alqasy men alty myńnan astam kórermenniń, onyń syrtynda tikeleı efırdi tamashalaǵan mıllıondaǵan festıval jankúıerleriniń tańdaıyn qaqtyryp, ystyq yqylasyna bólendi.

Memleket basshysy Qasym-Jomart Toqaevtyń uly aqyn Abaı atamyzdyń 175 jyldyǵyna arnalǵan óleń oqý estafetasy týraly kórermenderge qazaq tilinde xabarlap, «Slavıan bazary» festıvaliniń úlken saxnasynda Abaıdyń «Kózimniń qarasy» ánin arnaıy shyrqady.

Ádilxan ekinshi týrda da úmitkerlerdiń kóshin bastap, qorytyndysynda 178 upaı jınap, qatarlastarynan oq boıy ozyp, sýyrylyp alǵa shyqty.

Belarýs, Reseı, Germanııa, Shveıarııa, Bolgarııa, Malta, Izraıl, Qytaı, Latvııa, Ýkraına, Polsha, Lıtva, Grýzııa, Armenııa, Moldova sekildi memleketterdiń aıtýly estrada ánshileriniń arasynan top jarýy elimizdegi óner men mádenıet salasyndaǵy kásibı úrdistiń bıik deńgeıde ekendigin kórsetedi.

QR Mádenıet jáne sport mınıstrliginiń qoldaýymen Vıtebskige barǵan shyǵarmashylyq delegaııa úsh kún boıy festıval jumysy men konfernııaǵa belsene aralasyp, Qazaqstandaǵy óner keńistiginiń jetistikterimen, tájirıbelerimen oı bólisti.

«Slavıan bazary» xalyqaralyq festıvaliniń resmı ókili Qarlyǵash Ábdikárimovanyń tynymsyz eńbegine, Ádilxannyń vokaldan ustazy, PhD doktory Ioanıs Kaısıdıge jáne osy óner saparyna erekshe qoldaý jasap, ár kún saıyn kásibı keńes-tilekterimen qanattandyryp otyrǵan QR Mádenıet jáne sport mınıstri Aqtoty Raıymqulovaǵa alǵys aıtamyz. Qazaqstannyń án ónerindegi jańa da jarqyn esim Ádilxan Makın el rýxanııatyn álem keńistikte dáripteý jolynda bıik belesterdi baǵyndyra bergeı», - dep jazdy A.Maemırov.

 

Sońǵy jańalyqtar