15 Shilde 2019, 17:22 712 0 Óndiris Túrkistan Gazeti

«ABAYbooks» baspa úıi balalarǵa arnalǵan «Sálem, Qazaqstan!» gıd-boıaǵyshtaryn tanystyrdy

12 shilde kúni «Meloman» kitap dúkenderi jelisinde «ABAYbooks» baspa úıiniń alǵashqy ónimi «Sálem Qazaqstan!» boıaǵysh kitaptarynyń tusaýkeseri ótti. Kitapshany balalar jazýshysy men psıhology Djan Amanıı, ıllıýstrator Sofııa Fılatova jáne joba jetekshileri tanystyrdy.

Boıaǵysh kitaptyń maqsaty-balalardyń sáýlet, músin, óner jáne onyń túrleri men qyzmetteri týraly túsinikterin keńeıtý. Sondaı-aq balalardy óz Otanynyń qalalarynyń kórikti jerleri týraly ıllıýstraııalar boıynsha tanýǵa úıretý.

«Sálem Qazaqstan!» boıaǵysh kitaptarynyń artyqshylyqtary men erekshelikteri týraly joba jetekshisi ári redaktory Kámshat Alıbekova aıtyp ótti.

-Aldymen bizdiń boıaǵyshtarymyzdyń basqa boıaǵyshtardan qandaı aıyrmashylyqtary bar ekenin aıtqym keledi. Birinshiden, kitap dúkenderinde janýarlar men ósimdikter, ertegi keıipkerleri men kólikter boıaǵyshtary óte kóp bolǵandyqtan, Qazaqstanda alǵash bolyp qalalardyń kórikti jerlerine arnalǵan boıaǵyshtardy biz jasap shyǵardyq. Ár qalanyń óz tanymal jerleri bar. Árbir kórikti orynnyń qysqasha mazmuny men qyzyqty faktileri aıtylǵan. Muqabasyndaǵy keıipkerler de kishkentaı balalardyń nazaryna túsetini anyq. Sonymen birge, bul boıaǵyshtar kishkentaı týrısterge gıd-kómekshi qyzmetin de atqarady. Máselen, bir qalaǵa saıahat jasaýdy uıǵarsańyz, kitapshalarǵa qaraı otyryp, ol qalanyń qaı jerlerine barýǵa bolady, tarıhı eskertkishter, murajaılar men teatrlar, meshitterdiń qaı jyly, kimniń bastamasymen salynǵanyn bilýge bolady.

Boıaǵysh ıllıýstraııalardyń 18 túri memlekettik tilde usynylǵan. Kitap alty jastan asqan balalarǵa arnalǵan. Otandyq serııanyń ereksheligi – ol biryńǵaı qazaq tilinde shyǵarylady. Bul-memlekettik tildegi qalalardyń kórikti jerleri týraly Qazaqstandaǵy alǵashqy boıaǵysh kitaptar toptamasy.

«Boıaǵysh kitaptar kishkentaı balalardy tynyshtyq saqtap, bosańsýǵa shaqyrady. Sharshańqy kúnnen keıin balaǵa demalý qajet. Boıaǵyshtar arqyly olar tús tańdaýdy, pishinderdi este saqtaýdy, keıipkerlerdi qalaı boıaý kerektigin úırenedi. Ár kompozııaııany boıaı otyryp, nazar salý qabiletin arttyrady. Sýret salý balanyń shyǵarmashylyǵyn damytady, qııalyndaǵy beıneni qaǵaz betine túsirip, túrli oqıǵalardy oılap tabady. Atalǵan boıaǵyshtardy jasap shyǵarmas aldyn, biz dızaıner-ıllıýstratorlardy asa muqııattylyqpen tańdadyq», - deıdi «ABAYbooks» baspa úıiniń dırektory Maıra Áljanova.

«Sálem Qazaqstan!» boıaǵysh kitaptary – «ABAYbooks» baspa úıiniń alǵashqy ónimderiniń biri. Joba 5 aıǵa jýyq daıyndaldy. Ár boıaǵysh pen ıllıýstraııalardy salýǵa professıonaldy dızaınerler atsalysyp, sapaly týyndylar jasady.

«Bastapqyda qıyn bolǵany ras. Maǵan eki nársege kóńil bólý kerek boldy: balalardyń qabyldaýy jáne bizdiń kúrdeli arhıtektýralar, ǵımarattardyń aýqymdylyǵy, stıli men ıdeıasy. Balalar ıllıýstraııalardyń mánin joǵaltyp almaı, ǵımarattardyń ózindik qasıetterin saqtaı otyryp, qanshalyqty túrlendirýge bolatynyn uǵyndyryp, osy eki nárseni biriktirý kerek degen tapsyrma turdy. Balalarǵa qyzyqty ári boıaý qıynǵa soqpaıtyndaı ǵımarattyń daralyǵyn kórsetý kerek edi. Sýretterdegi árbir bólshek kópshilik pikirinen ótti, ıaǵnı onyń keregi bar ma álde joq pa degendeı. Sondaı-aq, flora men faýna úlgilerin de qosyp, ǵımarattardy túrlendirý kerek boldy», - dep bólisti dızaıner-ıllıýstrator Sofııa Fılatova.

Jazýshy-psıholog, «Alýan túrli balyqtar jáne Darııa» atty tanymal balalar kitabynyń avtory Djan Amanııdyń aıtýynsha, ata-analarǵa balalaryna boıaý kezinde múmkindiginshe kómek kórsetý kerek.

«Boıaǵyshtardy qolǵa alǵan sátten, olarǵa degen úlken qyzyǵýshylyq paıda boldy. Men ózim jazýshy bolǵandyqtan, bunyń artynda qandaı eńbek jatqanyn jaqsy bilemin. Rasynda da, boıaǵysh kitaptar balalar shyǵarmashylyǵyn damytady. Ata-analarǵa az ǵana ýaqytyn bólip, balalarymen birge boıaǵyshtardy birge boıaǵan abzal. Bul balaǵa qyzyqty jáne tanymdy bolady. Eger de ol basqa elge baratyn bolsa, onda óz eliniń qaıtalanbas ári tańǵajaıyp oryndary týraly maqtanyshpen aıtyp júredi», - dep Djan Amanıı óz pikirin bildirdi.

Tusaýkeser sońynda vıktorınalyq suraqtar qoıylyp, aýdıtorııamen oıyn uıymdastyryldy. Boıaǵysh kitaptarǵa baılanysty, ár qalanyń kórikti jerleri týraly berilgen suraqtarǵa durys jaýap tapqandar syılyqtarmen marapattaldy.

«Sálem, Qazaqstan!» boıaǵysh kitaptaryn «Meloman», «Almatykitap», «Qazyna» t.b. kitap dúkenderinen alýǵa bolady.

Qyrkúıek aıynda «ABAYbooks» baspa úıi Qazaqstanda alǵash bolyp bárine tanymal jáne súıikti «Disney» ertegileriniń qazaq tilindegi toptamasyn usynatyn bolady.

Sońǵy jańalyqtar