15 Shilde 2019, 17:07 2361 0 Bilgenge marjan Turkystan Support

«TÚRKISTAN» gazetiniń 25 jyldyǵy Ystyqkólde atap ótildi

«TÚRKISTAN» halyqaralyq gazetiniń 25 jyldyq mereıtoıyna arnalǵan jýrnalısterdiń jazǵy mektebi Qyrǵyz eliniń Ystyqkólinde bolyp ótti.

12-14 shilde aralyǵynda uıymdastyrylǵan jazǵy mektep osymen jetinshi márte ótkizilip otyr. Bul jolǵy sharaǵa Ózbekstan, Qyrǵyz eli, Qaraqalpaqstan jáne Qazaqstannan jýrnalıstıka salasy boıynsha eńbek jazyp, zertteý jasap júrgen ǵalymdar men praktık jýrnalıster qatysty. Jazǵy mektepti uıymdastyrýshy ál-Farabı atyndaǵy Qazaq ulttyq ýnıversıteti. 3 kúnge jalǵasqan is shara barysynda Orta Azııa elderiniń ókilderi jýrnalıstıkaǵa qatysty ózara ortaq máselelerdi talqylap, ózindik tájirıbelerin bólisti.

Foto avtory Maqsat Qusaıynov

Jazǵy mekteptiń alǵashqy kúni «TÚRKISTAN» halyqaralyq gazetiniń Bas redaktory Qýat Áýesbaı jınalǵandarǵa «Medıa menedjment» jaıly dáris oqyp, qazaqstandyq BAQ-taǵy basqarý jóninen mysaldar keltirip, tájirıbe bólisti. Al «Túrkistan» halyqaralyq gazetiniń Bas redaktorynyń orynbasary Beıbit Toqtarbaı «Azamattyq jýrnalıstıka» jaıly otandyq jáne sheteldik BAQ-taǵy kórinisinen mysaldar keltirdi. Dáris sońynda sheteldik qonaqtar men otandyq BAQ ókilderi azamattyq jýrnalıstıka jaıly pikir almasyp, taqyrypty talqylady.

Jazǵy mekteptiń ekinshi kúni «TÚRKISTAN» halyqaralyq gazetiniń qyzmetkerleri Dınara Myńjasarqyzy men Ahmet Ómirzaq jınalǵandarǵa áleýmettik jýrnalıstıka jáne derekti paıdalanýdaǵy mańyzdylyq jaıly baıandap, jumys barysyndaǵy tájirıbelerinen mysaldar keltirdi.

Al jazǵy mekteptiń úshinshi kúni Ózbekstan, Qaraqalpaqstan, Qyrǵyz eliniń ókilderi óz elderindegi jýrnalıstıkanyń problemasy men praktıkasy jaıly baıandady.

Úsh kúnge jalǵasqan jıyn sońynda taraptar kelesi basqosýdy budan aýqymdy kólemde uıymdastyratyndaryn aıtyp tarasty. Jazǵy mektep uıymdastyrýshysy, ál-Farabı atyndaǵy QazUÝ-niń professory Gúlmıra Sultanbaeva dáriske qatysqandarǵa arnaıy sertıfıkat tabystady.

"Túrkistan-aqparat"

Sońǵy jańalyqtar