15 Shilde, 16:55 333 0 Aımaq Túrkistan Gazeti

Senator Qarajaldaǵy jumyspen qamtý ortalyǵynyń jumysymen tanysty

Senat depýtaty Rysqalı Ábdikerov jumys saparymen Qaraǵandy oblysyndaǵy Qarajal qalasynda boldy. Senator jumyspen qamtý ortalyǵynyń jumysymen tanysyp, az qamtylǵan azamattarǵa beriletin ataýly áleýmettik kómekti berý týraly áńgime óristedi.

Depýtatqa «Bıznes bastaý» jáne «Jas kásipker» jastar kásipkerlik baǵdarlamasyn iske asyrý jóninde atqarylǵan ister týraly aıtyldy. Senatordyń aıtýynsha, mundaı sharalar jastarǵa kásipkerlik isi boıynsha oqýǵa jáne jańa jumys oryndaryn ashýǵa múmkindik beredi. Senator búgingi kúni osy negizde tushpara óndirisiniń ehyn aralap, óndiris qýatymen tanysty. Jas kásipker «Bıznes bastaý» baǵdarlamasy boıynsha nesıe alyp, qazir tabysty jumys istep keledi.

R.Ábdikerov osyndaǵy eski shınalardy qaıta óńdeý jáne joıý kásipornynda bolyp, óndiris tehnologııasymen, kásiporynnyń aldaǵy josparymen tanysty. Kásiporyn aldaǵy ýaqytta 20-dan astam adamdy jumys ornymen qamtamasyz etetin bolady.

Depýtattyń jumys sapary Jańaarqa aýdanynda odan ári jalǵasty. Senator Baıdaly bı aýylynda bolyp, jergilikti turǵyndardyń ómirimen tanysty.

Rysqalı Ábdikerov jergilikti aqsaqaldarmen, atqarýshy bılik organdarynyń, qoǵamdyq-saıası jáne jastar uıymdarynyń ókilderimen, kásipkerlermen, kóp balaly otbasylarmen kezdesip, olardyń problemalaryn tyńdap, olardy sheshý joldaryn talqylady, sondaı-aq azamattardyń suraqtaryna jaýap berdi.

Kezdesýlerde ataýly áleýmettik kómek, eńbekaqyny ýaqtyly tólemeý, turǵyn úıdi bólý, aýylsharýashylyǵy tehnıkasy bólshekteriniń baǵasy týraly suraqtar qoıyldy.

Senat Tóraǵasy Darıǵa Nazarbaevanyń tapsyrmasyna sáıkes senatorlar osy kúnderi aımaqtarda júr. Olar Memleket basshysynyń áleýmettik-ekonomıkalyq saıasaty men memlekettik baǵdarlamalardyń iske asýy týraly turǵyndardy habardar etýde.

Sońǵy jańalyqtar