15 Shilde, 11:50 330 0 Ishki saıasat Túrkistan Gazeti

8 myń otbasy baspanaly boldy

Elimizde «7-20-25» baǵdarlamasy boıynsha 8 myńǵa jýyq otbasy 92 mlrd teńge qaryz aldy. Bul jaıynda Nur-Sultandaǵy Úkimet otyrysynda Ulttyq Bank tóraǵasy Erbolat Dosaev málimdedi. 

«Elbasy usynǵan Bes áleýmettik bastamany engizý - halyqty qoljetimdi baspanamen qamtýdyń basty baǵyty sanalady. «7-20-25» baǵdarlamasy boıynsha 7 936 otbasy 92 mlrd teńgege qaryz aldy. Baǵdarlama banktiń ıpotekalyq portfeliniń 24,8% - shamamen 1,4 trln teńge ósimin qamtamasyz etti. Baǵdarlama kórsetkishin jaqsartý maqsatynda bıyl mamyr aıynda qaryz alýshylarǵa bastapqy jarnany baspana baǵasynyń 20%-dan asatyn somada tóleý quqyǵy berildi. Bul aı saıynǵy tólem kólemin azaıtýǵa jáne tabysy az azamattardy qamtýǵa múmkindik berdi. Bankterge qoıylatyn talapty tómendetý arqyly qatysýshy-bankter sany artty», - dedi Erbolat Dosaev.

Sońǵy jańalyqtar