15 Shilde, 11:33 408 0 Ishki saıasat Túrkistan Gazeti

Zaýytbek Turysbekov: «Álemdegi bar qazaqty saqtaý – ult ıdeıasy bolý kerek!»

Jýyrda Nur-Sultan qalasyndaǵy «Nazarbaev zııatkerlik mektebinde» «Uly dala urpaǵy» atty jazǵy mektep jumystary aıasynda qazaq halqynyń dástúri men rýhanı mádenıeti jaıly lekııa ótti.

Uıymdastyrylǵan shara barysynda «Dúnıejúzi qazaqtary qaýymdastyǵy» men «Otandastar Qory» KEAQ-nyń ókilderi ulttyq dástúrdiń mán-maǵynasy týraly, Qazaqstannyń baı mádenı murasy týraly tanymdyq turǵyda aıtty. Qazaq ánderi men dombyrasy týraly QR mádenıet qaıratkeri, Mońǵolııanyń eńbek sińirgen ártisi Merýesh Bashaı áńgimeledi.

«Dúnıejúzi qazaqtary qaýymdastyǵy men «Otandastar Qory» KEAQ kótergen shet elderdegi qazaqtardyń balalaryna arnalǵan «Uly dala urpaǵy» atty jazǵy mektep jobasy Nur-Sultan qalasyndaǵy «Nazarbaev zııatkerlik mektebi» uıymynda alǵash ret iske asyrylyp otyr. Astanamyzǵa Reseı, Iran, Mońǵolııa, Túrkmenstan, Tájikstan, Ózbekstan jáne Qyrǵyzstandaǵy qazaq dıasporalarynyń 150 balasy jınaldy.

10 Shilde kúni jazǵy mekteptiń saltanatty ashylýynda Dúnıejúzi qazaqtarynyń qaýymdastyǵy Tóraǵasynyń Birinshi orynbasary Zaýytbek Turysbekov Qazaqstannyń Tuńǵysh Prezıdenti, Elbasy N.Á. Nazarbaevtyń shet elderde turatyn qazaq dıasporasy balalarynyń ana tilinde oqýyna, bilim alýyna, tarıhı otanymen mádenı-gýmanıtarlyq qarym-qatynastaryn arttyrýǵa bergen tapsyrmalaryna sáıkes osy josparlardyń iske asyrylyp jatqandaryn málimdedi.

Sonymen qatar, ótken aıda «Otandastar Qorymen» birlesip ótkizgen Eýropa qazaqtarynyń Kishi Quryltaıy, halyqaralyq óner festıvali jáne álemniń onnan astam memleketterinen shaqyrylǵan talantty qazaq jastaryn qatystyrylǵan «Qasıetti qazaq eli» dóńgelek ústeli týraly aıtyp berdi. Munymen qosa aldaǵy Tamyz aıynda «Baldáýren» Respýblıkalyq oqý-saýyqtyrý ortalyǵynda ótetin balalar Quryltaıyna Reseı, Ózbekstan, Qyrǵyzstan, Qytaı, Iran jáne Germanııa elderindegi qazaq dıasporalarynyń 288 balasy qatysady.

«Shet elderde turatyn qandastarymyzdyń ana tili men qazaqtyń ulttyq dástúri, ásirese jas urpaq arasynda saqtalýyna barynsha qamqorlyq jasaý Dúnıejúzi qazaqtary qaýymdastyǵynyń basty mindetteriniń biri bolyp sanalady. Álemdegi bar qazaqty saqtaý – ult ıdeıasy bolý kerek!», - dep atap ótti Zaýytbek Turysbekov.

Eki aptaǵa sozylatyn jazǵy mekteptiń baǵdarlamasynda ana tilin damytý, Qazaqstan tarıhyn oqytý, qazaq halqynyń ádet-ǵuryp dástúrimen tanystyrý qamtylǵan. Balalardy murajaılar, tarıhı oryndardymen tanystyryp, elordadaǵy aldyńǵy qatarly joǵarǵy oqý oryndaryn aralaý, ulttyq aspaptardy úıretý, qoldanbaly jáne bı ónerine baýlý, ulttyq taǵamdardy daıyndaý sııaqty sheberlikterge úıretý qarastyrylǵan

Sońǵy jańalyqtar