15 Shilde, 11:14 434 0 Óndiris Túrkistan Gazeti

Egistikten – sórege: Shelek fermerleri sýpermarketterge kókónister jetkizilimin bastady

«Shelek fermerleri» aýylsharýashylyq óndiristik kooperatıvi («Fermery Chılıka») respýblıkalyq sýpermarketter jelisine kókónister jetkiziliminiń bastalǵany týraly habarlady. «Shelek fermerleriniń» ónimi Almaty qalasyndaǵy «Arzan» sýpermarketter jelisinde jáne Almaty, Nur-Sultan, Qaraǵandy, Pavlodar, Shymkent, Óskemen qalalaryndaǵy «Metro Cash&Carry» saýda ortalyqtarynda satylatyn bolady.

Osy maýsymda «Shelek fermerleri» Qazaqstannyń sýpermarketterine, onyń ishinde tomat pastasy men ketchýp shyǵaratyn iri óndiristik kásiporyndardyń biri «ınKaz» JShS-ne - 300 tonnadan astam kókónisti jetkizýdi josparlap otyr, bul 2018 jylǵa qaraǵanda eki ese kóp.

Qazaqstannyń iri qalalarynyń turǵyndaryna qoljetimdi bolady:

  • qyzanaq, jylyjaı sorttary, jańa qyzǵylt, qyzyl jáne cherrı;
  • burysh - lastochka, mazýrka, red djet, baǵdarsham, bolgar qyzyl jáne jasyl, jartylaı ay, ótkir chılı;
  • qııar,  kornıshondardy qosa alǵanda;
  • eki sortty kádi - almaz jáne qara hanzada;
  • kartop jáne alma, qarbyz ben qulpynaı sııaqty basqa da aýyl sharýashylyǵy ónimderi.

Bıyl «Shelek fermerleri» kókónis qabyldaý pýnkti men suryptaý pýnktin salyp jatyr, sondaı-aq sýpermarketterdiń ótinishi boıynsha avtorefrıjerator satyp alyndy. Suryptaý pýnktinde aýyl sharýashylyǵy ónimderi suryptalady jáne brendtelgen ydysqa salynady. Sodan keıin ol kókónis qoımasynda salqyndatylady, al tańerteń óz ıeligindegi refrıjerator kókónisterdi Almaty sýpermarketterine jetkizedi.

«Bir jyl buryn «Shelek fermerleriniń» ónimderi bizdiń Almatydaǵy saýda ortalyǵymyzda paıda boldy jáne birden bizdiń tutynýshylarymyzdyń laıyqty baǵasyn aldy. Kooperatıv taýarlaryn saqtaý jáne tasymaldaý júıesindegi sońǵy ózgeristerdiń arqasynda bizde «Shelek fermerleri» ónimderin bizdiń dúkenderimiz ornalasqan basqa da qalalarǵa jetkizý múmkindigi bar. Biz bizben birge ónim jetkizýshilerimizdiń ósip, damyp kele jatqanyna qýanyshtymyz, sebebi munyń nátıjesinde eldiń ekologııalyq taza aýdanynda ósirilgen tabıǵı, jergilikti ónimdi satyp alýǵa múmkindigi bar qazaqstandyq tutynýshy jeńedi», - dep túsindirdi METRO Cash&Carry kommerııalyq dırektory Natalıa Marhıeva.

«Shelek fermerleri» jobasyn Eńbekshiqazaq aýdanynyń jergilikti qaýymdastyqtar  qory (JQQ) 2014 jyldan bastap «Fılıp Morrıs Qazaqstan» kompanııasynyń qoldaýymen iske asyrady jáne ol fermerlik sharýashylyqty júrgizýdiń barlyq kezeńderin qamtıdy –josparlaý men tuqymdardy otyrǵyzýdan bastap fermerdiń sońǵy paıdany alýyna deıin.Kooperatıvke kirgen fermerler trenıngterge, semınarlarǵa belsendi qatysady, Agrobıznes-ortalyqta agronomdarmen keńesedi, sondaı-aq basqa óńirlerden kelgen fermerlermen tájirıbe almasady. Agrobıznes-ortalyq zamanaýı agrotehnologııalarǵa, logıstıkalyq tizbekti qurý negizderine, sondaı-aq aýyl sharýashylyǵyndaǵy menedjment pen marketıngke úıretedi. Fermerler tamshylatyp sýarý ádisin, aspalarda qyzanaqty ósirý, mýlcha-taspasyn qoldanýdy, arka jylyjaılaryn paıdalaný jáne basqa da ozyq tehnologııalardy ıgerýde.

«Qazir bizdiń basty mindetimiz bizdiń áleýetti satyp alýshylarymyzdyń qajettilikterin zertteý bolyp tabylady, biz iri sýpermarketter men óńdeýshi kásiporyndardyń bizdiń tarapymyzdan ne kútetinin túsingimiz keledi. Biz dúkenderge arnalǵan qujattamany, suryptaýdy, kalıbrleýdi jáne ónim qaptamasyn naqty jolǵa qoıdyq. Sýpermarket sapany saqtaı otyryp, alystaǵy óńirlerge jetkize alýy úshin biz salqyndatylǵan ónimdi jetkizý tehnologııasyn pysyqtadyq. Biz ósýdemiz, bizdiń fermerlerdiń bilimi men daǵdylary ósýde, ónim sapasy, logıstıka proesteriniń sapasy, durys qurylǵan marketıngti túsiný sapasy ósýde. Biz munyń bári fermerlerdiń turaqty damýyna jáne olardyń tabysynyń ósýine alyp keletinine senemiz – bul bizdiń basty maqsatymyz», - dedi Eńbekshiqazaq aýdany jergilikti qaýymdastyqtar qorynyń atqarýshy dırektory Baqytgúl Elshibaeva.

Sońǵy jańalyqtar