11 Shilde, 15:42 363 0 Qoǵam Túrkistan Gazeti

Meıirjan Álibekuly jańa qyzmetke taǵaıyndaldy

«Qazaqstan» respýblıkalyq teleradıokorporaııasy» AQ Basqarma tóraıymy Lázzat Tanysbaıdyń buıryǵymen tanymal telejýrnalıst Meıirjan Álibekuly «Jambyl» oblystyq teleradıoarnasynyń dırektory laýazymyna taǵaıyndaldy.

«Jambyl" arnasy ujymyna jańa basshyny tanystyrdyq. Basqarma basshysy Ləzzat Muratqyzynyń sheshimimen bul jaýapty qyzmetke medıa salasynda 10 jyldan astam tájirıbesi bar, eldiń súıikti uldarynyń biri Meıirjan Álibek @meirzhan_alibekuly laıyq dep tanyldy. Qyzmetin óńirlik arnadan bastaǵan aqparat tarlanynyń esimi Ulttyq arnamen bite qaınasyp ketkeni belgili. Endi osy arnanyń Tarazdaǵy bólimine jetekshilik etpek. Batys topyraǵynda týyp, Alataý baýraıynda shyńdalǵan, Elordadan «Apta» saıyn habar taratqan azýly áriptesime sáttilik tileımin. Búginge deıin jıǵan-tergen təjirıbesin bútin bir arnanyń damýyna jumsaıdy dep senemin!», - dep jazdy «Qazaqstan RTRK» AQ Basqarma tóraǵasynyń Birinshi orynbasary Qurmanbek Jumaǵalı óziniń feısbýk paraqshasynda.

Meıirjan Álibekuly 1984 jyly týǵan.

Ál-Farabı atyndaǵy QazUÝ, Jýrnalıstıka fakýltetiniń túlegi.

Alǵashqy eńbek jolyn «Atyray» oblystyq telearnasynan bastady. Ár jyldary «Qazaqstan» ulttyq telearnasynyń Aqparattyq-saraptamalyq baǵdarlamalar dırekııasynda tilshi-sarapshy, redaktor-júrgizýshi, shef-redaktor, dırekııa dırektorynyń orynbasary qyzmetterin atqardy.

Qalyń kórermenge «Jańalyqtar», saıası-saraptamalyq «Apta.kz» baǵdarlamasynyń tizginshisi retinde tanymal.

QR Prezıdentiniń BAQ salasyndaǵy syılyǵynyń ıegeri, QR Aqparat salasynyń úzdigi.

«Halyq súıiktisi» ulttyq júldesiniń laýreaty, «Nur Suńqar» baıqaýynyń jeńimpazy.

 

 

Sońǵy jańalyqtar