11 Shilde, 10:44 424 0 Óner Ásel ÁNÝARBEK

Dombyra úni kúmbirlegen kún

Ótken jeksenbide elimizde Ulttyq Dombyra kúni toılandy. Shildeniń alǵashqy jeksenbisin ulttyq aspabymyzdyń tól merekesine aınaldyrý týraly sheshim QR Tuńǵysh Prezıdenti – Elbasy Nursultan Nazarbaevtyń Jarlyǵymen ótken jyly qabyldanǵan edi. Bul Jarlyq Ulttyq mádenıet pen biregeılikti saqtaý jáne qaıta jańǵyrtý ıdeıasynyń tóńireginde qoǵamdy odan ári toptastyrý maqsatynda shyǵarylǵan bolatyn.

Ataýly mereke elordada bıyl da erekshe toılandy. Nur-Sultan qalasynda Ulttyq Dombyra kúnine arnalǵan merekelik konert ótti. Osyǵan oraı «Qazaq Eli» monýmentiniń aldyndaǵy alań byltyrǵydaı úlken sahnaǵa aınalyp, elorda turǵyndary men qonaqtary kúmbirlegen kúı, áýelegen án tyńdady. Merekelik konertti Memleket basshysy Qasym-Jomart Toqaev ta kóppen birge tamashalap, jınalǵan jurtty Ulttyq Dombyra kúnimen quttyqtady. «Tól mádenıetimizge degen qamqorlyq árqashan memlekettiń aıryqsha nazarynda bolady. Biz qazaqtyń dástúrli ánin, kúıin elimizge ǵana emes álem jurtshylyǵyna tanytyp júrgen ónerpazdarymyzǵa laıyqty qoldaý kórsete berýimiz kerek. Olar – halqymyzdyń ulttyq bolmysyn saqtaý úshin eńbek etip júrgen óner tarlandary. Dombyra búkil Qazaqstan halqyn biriktiretin teńdesi joq mádenı mura. Ulttyq rýhanııatymyzdy  dáripteıtin mereke  dombyranyń mártebesin  bıikke kótere bersin!», – dedi Qasym-Jomart Toqaev. Memleket basshysy Qazaqstan birligi bekem, yntymaǵy jarasqan ult pen ulystardyń mekeni ekenin basa aıtty. Elimizde túrli halyqtardyń mádenıeti ósip, órkendep otyrǵandyǵyna nazar aýdardy.

Nur-Sultan qalasynyń Mádenıet jáne sport basqarmasy uıymdastyrǵan jappaı konertke qatysýǵa nıettiler oryndaıtyn 6 kúı aldyn ala tańdaldy. Olardyń qatarynda «Saryarqa», «Adaı», «Álqıssa», «Kóńil tolqyny», «Balbyraýyn» jáne «Kóroǵuly» kúıleri bar. Mereke barysynda kúmbirlegen kúıden basqa kópshilik nazaryna «Jastar» teatrynyń akterleri tarıhı qoıylymyn usyndy, elordalyq mýzyka mektepteriniń shákirtteri óz ónerlerin ortaǵa saldy. Qonaqtar aqyndar aıtysyn tamashalaýǵa da múmkindik aldy. Al aqyndar ulttyq mýzykalyq aspabymyz – dombyrany jyrǵa qosty. Aıtýly shara ótken alańǵa birneshe aqshańqan úıler de tigildi. Kórme uıymdastyrylyp, mýzeıde kózdiń qarashyǵyndaı saqtalǵan qundy jádigerler qoıyldy. Arasynda sal-seriler óz dáýirinde ustaǵan kóne dombyralardyń kóshirmeleri boldy.

Dombyra kúninde kópshilik aldynda óner kórsetýge irgedegi eldi mekenderden kelgenderi de bar. Bul mereke eldi osylaı uıystyrdy.

 

Ásel ÁNÝARBEK

Tegter dombyra kúni

Sońǵy jańalyqtar