11 Shilde, 10:22 485 0 Nur Otan Ásel ÁNÝARBEK

Elmen etene bolý mańyzdy

«Nur Otan» partııasy Tóraǵasynyń Birinshi orynbasary Baýyrjan Baıbek Almaty qalasyna resmı saparmen baryp qaıtty. Sapar barysynda Baýyrjan Baıbek partııanyń Almaty qalalyq fılıalynyń kezekten tys XXV konferenııasyna qatysyp, partııa jumysyn jetildirýdiń basty mindetterin atap kórsetti.

Aldymen ol elimiz damýdyń jańa kezeńine qadam basqanyn aıtyp, soǵan baılanysty partııanyń aldynda aýqymdy mindetterge nazar aýdardy. Onyń aıtýynsha, partııa únemi ilgeri jyljyp, qoǵamnyń talaptaryna saı damyp otyrýy kerek. «Bizdiń partııa barsha qazaqstandyqtardy biriktiretin elimizdegi eń basty kúsh. Biz halyqty estı de, tyńdaı da bilýimiz qajet. Bul – Elbasy, partııa Tóraǵasynyń tikeleı tapsyrmasy. Sondyqtan adam quqyqtary men erkindigin qorǵaý, laıyqty ómir súrý deńgeıin qamtamasyz etý, eldiń muń-muqtajyn tyńdap, ony oń sheshý, qashanda elmen etene bolý partııa jumysynyń basym baǵyty», – dedi Baýyrjan Baıbek.

Sondaı-aq, ol partııa Elbasynyń barlyq strategııalyq baǵdarlamalary men Qazaqstan Prezıdenti Qasym-Jomart Toqaevtyń Saılaýaldy baǵdarlamasynyń júzege asyrylý barysyn partııalyq baqylaýdy kúsheıtý kerektigin aıtty. Aldaǵy ýaqytta barlyq partııalyq jobalar qaıta qaralyp, halyqtyń ómirin jaqsartýǵa baǵyttalǵan naqty bastamalar boıynsha jumystar jandana túspek. Úkimettiń jumysyna da tıimdi partııalyq baqylaý júrgizilip, mınıstrler men ákimderdiń tek memlekettik organdardyń basshylary retinde ǵana emes, partııa múshesi retinde de jaýapkershiligi arta túsedi. Bul sózdiń Parlament pen barlyq deńgeıdegi máslıhattardaǵy depýtattyq frakııalarǵa da qatysy bar. «Bizdiń basty mindet – halyqtyń se­nimin kúsheıtý. Óıtkeni biz halyqtyń partııasymyz. Sondyqtan biz sannan sapaǵa basymdyq berip, partııa qatarynda belsendi túrde «tazalaý» jumystaryn júrgizemiz», – dedi partııa Tóraǵasynyń Birinshi orynbasary.

Sondaı-aq Baýyrjan Baıbek partııanyń pikirtalas alańdarynda qoǵamdy alańdatqan máselelerdi ashyq ári naqty aıtýy kerektigin nazarǵa aldy. Odan bólek, partııa aldaǵy ýaqytta úkimettik emes uıymdarmen jumysqa da basa mán bermek. «Nur Otan» saıası, biraq úkimettik emes uıym. Sondyqtan biz úkimettik emes uıymdarmen baılanysty kúsheıtip, olarǵa jaǵdaı jasaýymyz kerek. Ásirese, Almaty sııaqty iri qalalarda bul basymdyqtyń mańyzy zor. Bizdiń qolymyzda bılikke áser ete alatyn tetikter bar. Sony tıimdi paıdalanýymyz qajet. Osyǵan oraı Memleket basshysy partııaǵa Ulttyq qoǵamdyq senim keńesiniń jumysyna belsendi qatysýdy tapsyrdy», – degen Baýyrjan Baıbek partııanyń kópbalaly analar, zeınetkerler, múmkin­digi shekteýli jandar sııaqty barlyq áleýmettik toppen jumys isteýi kerektigin tilge tıek etti.

Sondaı-aq «Nur Otan» partııasy Tóraǵasynyń Birinshi orynbasary jáne Almaty qalasy ákiminiń qatysýymen Qazaqstan, Germanııa, Avstrııa elderi arasynda elektrokólik quraldaryna arnalǵan akkýmýlıator shyǵaratyn zaýyttyń qurylysy týraly úshjaqty memorandýmǵa qol qoıyldy. Jańa zaýyt Almatyda elektroavtobýstar shyǵarýǵa tyń serpin berip, óndiris kólemin arttyrady.

 

Partııa Arys halqyna kómek qolyn sozdy

«Nur Otan» partııasy Arys qalasyndaǵy zardap shekkenderge kómek kórsetýin jalǵastyrýda. Qazirdiń ózinde partııalyqtar kórsetken Arys qalasyndaǵy zardap shekkenderi úshin kómektiń bir bóligi turǵyndarǵa jetkizildi.

Qaraǵandy oblysy avıahabarmen 10 tonna azyq-túlik taǵamdary, kıim-keshek pen tazalyq zattaryn jóneltti. Jalpyhalyqtyq akııaǵa partııanyń oblystyq fılıaldarynyń bári de atsalysty. Zardap shekkender úshin azyq-túlik taǵamdary, qurylys materıaldary men birinshi kezektegi qajetti taýarlar bar avtokerýender Qyzylorda, Soltústik Qazaqstan, Aqtóbe men Pavlodar oblystarynan shyǵyp ketti.

Sonymen birge Balalar quqyn qorǵaý jónindegi respýblıkalyq qoǵamdyq keńestiń ókilderi sol jerde 24 bala psıhologynyń jumysyn uıymdastyrdy. Seısenbi kúni Nur-Sultan qalasynan Túrkistan oblysyna salalyq ÚEU 5 jetekshisi men Balalar quqyn qorǵaý jónindegi respýblıkalyq qoǵamdyq keńestiń ókilderi ushyp barady. Olar eresekter men  balalarǵa psıhologııalyq kómek kórsetý jumysyna belsendi qatysatyn bolady. Qajettilik týyp jatsa, oqıǵa oryn alǵan jerge taǵy da 19 kásibı psıholog bara alady.

Óńirdegi «Nur Otan» partııasy fılıalynyń tóraǵasy, oblys ákimi Ermek Marjyqpaevtyń aıtýynsha, Aqmola oblysy aktıvi zardap shekkenderge kómek kórsetý týraly sheshim qabyldaǵan. Bastamaǵa bıznesmender qoldaý tanytty.  Pavlodar oblysynyń balalardy saýyqtyrýǵa arnalǵan bes ortalyǵy ýchınsk-Býrabaı kýrorttyq aımaǵyna Ońtústik Qazaqstannan keletin 300 balany qabyldaýǵa daıyn. Qazir kelissózder júrgizilip, Arys qalasynyń ákimdigimen birge naqty málimetter anyqtalyp jatyr.

Arystaǵylardyń basyna túsken aýyr jaǵdaıǵa qostanaılyqtar da nemquraıly qaraı almady. Óńirdegi «Nur Otan» partııasy fılıalynyń tóraǵasy, Qostanaı oblysynyń ákimi Arhımed Muhambetov búgingi kúni partııalyqtardyń zardap shekkenderge 20 tonna un, 5 tonna makaron, azyq-túlik taǵamdary men basqa da qajetti zattardy jiberýdi josparlap otyrǵandaryn atap ótti.

Batys Qazaqstan oblysynyń partııalyqtary, onyń ishinde «Nur Otan» partııasynyń óńirlik fılıaly men «Jas Otan» jastar qanatynyń qyzmetkerleri arystyqtarǵa bir kúndik jalaqy kóleminde materıaldyq kómek kórsetti. Sonymen birge oblys boıynsha  gýmanıtarlyq kómek qabyldaýdyń úsh beketi ashyldy.

Bul kúnderi búkil Respýblıka boıynsha bir kúndik jalaqysyn zardap shekkenderge aýdarý týraly sheshim qabyldaý boıynsha bastaýysh partııa uıymdarynyń jıyndary ótýde. Onyń syrtynda partııanyń barlyq óńirlik fılıaldary gýmanıtarlyq kómek qabyldaý beketterin  uıymdastyrdy.

Barlyq deńgeıdegi depýtattar, par­tııanyń jaqtastary men nemquraıly emes azamattar otandastaryna jan-jaqty kómek kórsetý boıynsha partııa bastamasyna qoldaý tanytýda. «Nur Otan» partııasynda gý­manıtarlyq kómek jınaý jalǵasyp jatyr.

Partııa men frakııa arasyndaǵy baılanys nyǵaımaq

«Nur Otan» partııasy tóraǵasynyń  birinshi orynbasary  Baýyrjan Baıbek jumys saparymen Batys Qazaqstan oblysyna bardy. Sapar barysynda ol aımaqtyq partııa aktıvimen kezdesti. Sondaı-aq barlyq deńgeıdegi máslıhattardaǵy partııa frakııasynyń jumysyn jandandyryp, partııa men frakııa arasyndaǵy ózara qarym-qatynasty kúsheıtý kerektigin aıtty.

Partııanyń oblystyq fılıalynyń konferenııasynda Baýyrjan Baıbek Memleket basshysy Qasym-Jomart Toqaevtyń Saılaýaldy tuǵyrnamasy qoǵam úshin biriktirýshi ról atqaryp, memlekettik apparatty sapaly ári tıimdi jumysqa jumyldyrý kerektigin de tilge tıek etti. «Qazir partııa úshin eń mańyzdy másele – halyqtyń senimin arttyrý. Son­dyqtan kún tártibindegi ózekti máselelerdi talqylaý isinde depýtattarmen qarym-qatynasty qaıta qarap, kúsheıtý kerek. Depýtattyq saýal­dar halyqtyń alańdatqan asa ózekti máselelermen úndesip jatýy tıis. Ókinishke qaraı qazir frakııalardyń jergilikti jerdegi jumysy keıbir talaptarǵa saı emes», – dedi partııa Tóraǵasynyń Birinshi orynbasary.

Budan basqa partııa halyqtan kelip túsken árbir ótinishti jiti baqylaýǵa alyp, tikeleı jumys isteıdi. Sondyqtan partııa memlekettik organdardyń halyqtyń ótinishterine jaýap berip, máselelerdi oń sheshý jolyndaǵy jumystardy muqııat baqylaýǵa alýy tıis. Osyǵan baılanysty «Nur Otan» partııasy Tóraǵasynyń Birinshi orynbasary alǵashqy jartyjyldyqta partııanyń Oral qalalyq fılıalynda qala ákiminiń orynbasarlary birde bir qabyldaý ótkizbegenin qatań synǵa aldy.

Sonymen qatar Baýyrjan Baıbek partııanyń oblystyq fılıalyna kelip túsken ótinishter boıynsha áleýmettik nysandardy aralady. Qazaqstan Prezıdenti Qasym-Jomart Toqaev óziniń Saılaýaldy tuǵyrnamasynda 2023 jylǵa deıin apatty jaǵdaıdaǵy jáne úsh aýysymda oqytatyn mektep máselesin tolyǵymen sheshýge ýáde bergen edi. Soǵan baılanysty partııa bul máseleni qatań baqylaýda ustaıdy. Sonyń aıasynda Baýyrjan Baıbek Batys Qazaqstan oblysynyń ákimi Ǵalı Esqalıevpen birge 58 jyl buryn salynyp, búginde apatty jaǵdaıda turǵan №31 mekteptiń jaı-kúıimen tanysty. Búginde atalǵan mektepti súrip tastap, ornyna jańa bilim ordasyn salý týraly sheshim qabyldanǵan. Soǵan oraı balalar men muǵalimderdi ýaqytsha jaqyn jerdegi mektepterge ornalastyrmaq.

Oı men sózdiń saıysy

«Nur Otan» partııasynyń «Jas Otan» Jastar qanaty jastar jylyna oraı respýblıkalyq «Jastar alańy – 2019» pikirsaıys týrnırin bastady. Aıtýly shara Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń muryndyq bolýymen uıymdastyrylyp otyr.

Sharany uıymdastyrýdaǵy basty maqsat – Qazaqstanda pikirsaıys qozǵalysyn jandandyrý jáne pikirsaıys federaııasyn qurý. «Jas Otan» Jastar qanatynyń tóraǵasy Dáýlet Káribektiń aıtýynsha, týrnırdiń jalpy júlde qory – 4 000 000 teńge. Pikirsaıys týrnırine qazaq jáne orys lıgasyna barlyq óńirden 18-29 jas aralyǵyndaǵy jastardan quralǵan 60 komanda qatyspaq. Pikirtalastar qyrkúıek aıynda bastalady. Fınaldyq oıyndar televızııalyq formatta ótedi degen jospar bar.

«Pikirsaıys – jastar úshin trendke aınalǵan, synı oılaýdy, logıkany,  tulǵalyq damýdy arttyra alatyn taptyrmas mehanızmge aınaldy.  Pikirsaıys klýbtary elimizdiń ár aımaǵynda kóptep damyp keledi. Jastar 9 shilde men 8 tamyz aralyǵynda www.jasotan.com saıtynda ótinim qaldyra  alady. Áleýmettik jelide pikirsaıysqa qatysty aıtar oı, usynys-pikirin   qaldyrady. Olardyń qoǵamdaǵy ózgeristerge azamattyq kózqarasy árdaıym   mańyzdy», – deıdi Dáýlet Káribek.

Sonymen qatar uıymdastyrýshylar Brıtandyq parlamenttik jáne Lınkoln Dýglas formattary boıynsha týrnır qatysýshylary men tóreshilerge arnalǵan trenıngter men master-klastar ótkizýdi josparlap otyr. Trenıng pen master-klastarǵa qatysýshylarǵa odan ary pikirsaıys trenıngterin ótkizýge múmkindik beretin arnaıy trener sertıfıkat beriledi.

Azamattyq bastamalardy qoldaý ortalyǵy basqarmasynyń tóraǵasy Batıma Mýkına «Jastar alańy – 2019» respýblıkalyq pikirsaıys týrnıri arqyly uıymdastyrýshylar pikirsaıysty qoldap qana qoımaı, memlekettik qyzmetke myqty kadrlyq rezerv daıarlaıtynyn aıtyp ótti.

Jıynda bloger Qalı Aqsultannyń aı­týynsha, qazaq jáne orys lıgasynan bólek qoǵam qaıratkerleri, ánshiler, blogerlerdiń jáne basqa da tanymal tulǵalardyń qatysýymen «Juldyzdy oıyn» ótkizý josparda bar. Týrnırdiń fınaldyq oıyndary televızııalyq formatta uıymdastyrylmaq.

Jobanyń nátıjesinde Qazaqstanda alǵash ret pikirsaıysshylardyń  ózara baılanys ornatýǵa, ózekti taqyryptardy talqylap, pikir almasýǵa múmkindik beretin saıt pen analogy joq mobıldi qosymsha iske qosylady.

 

Almatyda shyrqalǵan Disney ánderi

Disney kompanııasynyń lıenzııasymen resmı kınokonertter ótetin álemdik astanalar tiziminde endi Qazaqstannyń ońtústik astanasy da bar.

Alǵash ret otandyq ártister Disney-diń kópshilik yqylasyna bólengen anımaııalyq  fılmderindegi tanymal saýndtrekterdi qazaq tilinde shyrqady. Danııar Ótegen, Nurmuhammed Jaqyp, Adam, Kental, Danelııa Týleshova, Erden Jaqsybekov, Indıra Edilbaeva, Jarqynaı Shalqar, Baljan Bıdash  sımfonııalyq orkestrdiń súıemeldeýimen jandy  daýysta án salyp, kórermenge  ónerlerin pash etti.

Qazaqstan úshin arnaıy jasalǵan baǵdarlama dısneılik kınokonerttiń resmı baǵdarlamasyna «Muzdy júrek» («Holodnoe serde»), «Ań patshasy Arystan» («Korol Lev»), «Sý perisi» («Rýsalochka»), «Arý men qubyjyq», («Krasavıa ı chýdovıe») «Mýlan», «Aladdın», «Pokahontas» sııaqty barlyǵy 22 mýltfılmniń kompozıııasy endi.

«Búgin biz Disney-diń eń úzdik ánderin alǵash ret  qazaq tilinde óz ártisterimizdiń oryndaýynda tyńdap otyrmyz. Bul – bizdiń Astana kúni merekesine oraı balalarǵa jasaǵan syıymyz. Men TMD-daǵy Walt Disney komanııasyna jáne búgin bizdiń aramyzǵa otbasymen birge kelgen kompanııa ókili Igor Makarovqa rahmet aıtamyn. Mýzyka balalardyń boıynda meıirim men patrıotızmdi, adamgershilik qasıetter men kishipeıildilikti qalyptastyrady», – dedi «Bolashaq» KQ Qamqorshylyq keńesiniń qurmetti múshesi Baýyrjan Baıbek.

Aıta keteıik, «Juldyzdar sherýi» qaıyrymdylyq kınokonertiniń aıasynda 7 mln teńgeden astam qarjy jınaldy. Jınalǵan qarajat tolyqtaı «Bolashaq»  korporatıvtik qorynyń áleýmettik jobalaryna jumsalady.  «Ár bala mektepke barýy tıis» jobasynyń aıasynda Nur-Sultan, Shymkent, Oral, Aqtaý, Atyraý, Qyzylorda, Pavlodar, Petropavl jáne Almatyda ınklıýzııany qoldaý úshin 20 kabınet ashyldy. Aýtızm jáne basqa da mentaldyq syrqaty bar 248 bala mektepke barýǵa múmkindik aldy. 2019 jyly Aqmola, Aqtóbe, Shyǵys Qazaqstan, Jambyl, Qaraǵandy, Pavlodar, Soltústik Qazaqstan jáne Túrkistan oblystarynda taǵy da 20 kabınet ashý josparlanǵan.

Qazaqstandaǵy ınklıýzıvti bilim berýdi jetildirýge járdemdesý maqsatynda «Bolashaq» KQ bastamasy «Nur Otan» partııasynyń tarapynan «Kedergisiz keleshek» respýblıkalyq jobasynyń aıasynda qoldaý tapty.

 

Májilis depýtattary  halyqpen kezdesti

Qazaqstan Respýblıkasy Parlament Májilisiniń depýtattary Vasılıı Oleınık jáne Gennadıı Shıpovskıh «Sılýmın-Vostok»  jaýapkershiligi shekteýli seriktestigi kásipornynyń qyzmetkerlerimen kezdesip, «Nur Otan» partııasynyń «IT mamandardy daıarlaý» jobasy aıasynda ashylǵan IT-tehnologııalar jáne ónerkásiptik jabdyqqa servıstik qyzmet kórsetý, oqý ortalyǵynyń jumysymen tanysty.

Ortalyq zaman talabyna saı jabdyqtalǵan. Ondaǵy jańa tehnologııalardyń kómegimen  tıisti jumystardy barynsha jyldam atqarýǵa bolady.

«Biz saılaýshylarmen kezdesý barysynda  Parlamenttegi atqarylyp jatqan jumystardy túsindiremiz. Sonymen qatar halyqtyń oı-pikirin tyńdaımyz. Damyǵan 30 memlekettiń qataryna kirý úshin, Elbasynyń elimizdi ıfrlandyrýǵa baılanysty bergen tapsyrmasyn tolyǵymen oryndaýymyz qajet. Búgingi tańda Qazaqstan Úki­metiniń aqparattyq tehnologııalardy ıgerýdi barynsha jyldamdatýǵa umtylyp otyrǵandyǵyn aıta ketkim keledi. IT-tehnologııalardy jetildirý, IT-ortalyqtardy kóptep  ashý, ár salany barynsha ıfrlandyrý zaman talabynan qalmaýdyń basty alǵysharty bolmaq», – deıdi QR Parlament Májilisiniń depýtaty Gennadıı Shıpovskıh.

Ásel ÁNÝARBEK

 

Sońǵy jańalyqtar