9 Shilde, 19:48 431 0 Syrtqy saıasat Dınara MYŃJASARQYZY

Tájik bıligi halyq sanaǵy kezinde azamattardyń dinı senimin anyqtaıdy

Tájik bıligi halyq sanaǵy kezinde azamattardyń dinı senimin anyqtaıdy

Tájik bıligi kezekti halyq sanaǵy kezinde Tájikstanda túrli din ókilderiniń qansha ekenin anyqtaýdy kózdep otyr.

Tájikstan parlamenti tómengi palatasynyń áleýmettik máseleler jónindegi komıtetiniń ókili Abdýhalım Gafforovtyń aıtýynsha, respýblıkada turǵyndardyń deni ıslam dinin ustanady, biraq buny halyq sanaǵy kezinde naqtylaý kerek.

"Biz halyqtyń 90 paıyzdan astamy musylman deımiz. Halyq sanaǵy barysynda qansha musylman, qansha hrıstıan, qansha ateıst jáne basqa da dinder ókilderi bar ekenin anyqtaımyz", - dedi depýtat.

Onyń aıtýynsha, mundaı málimet memlekettik organdarǵa, sonymen birge Tájikstan bıligimen áriptes halyqaralyq uıymdarǵa qajet.

Álemniń kóptegen elinde halyq sanaǵy barysyndy dinı senimi týraly suraq joq nemese mundaı saýalǵa jaýap berý mindetti emes.

Tájikstanda ıslamǵa jatpaıtyn 70-ten astam dinı uıym tirkelgen. Tájik bıliginiń dinı uıymdar men ıslam dininiń túrli aǵymdaryna qysym jasap otyrǵanyn halyqaralyq uıymdar men batys elderi únemi synap júr.

 

Sońǵy jańalyqtar