9 Shilde, 15:31 477 0 Óner Túrkistan Gazeti

Ánshiler "Arys, biz birgemiz!" dep án shyrqap, beınebaıan túsirdi

Qazaqstandyq estrada ókilderi Arys qalasynda oryn alǵan tótenshe jaǵdaıǵa baılanysty klıp túsirdi. Beınebaıandy mádenıet jáne sport mınıstrliginiń baspasóz hatshysy Aıdar Qyryqbaev Instagram paraqshasynda jarııalady.

Arysqa arnalǵan ándi oryndaýshylar qatarynda Nurbolat Abdýllın, Álı Oqapov, Marjan Arapbaeva, Janar Duǵalova, Beıbit Kúshqalıev, Nurjan Kermenbaev bar.

"Mádenıet jáne sport mınıstriliginiń usynysymen talantty kompozıtor Rınat Gaısın jáne aıtysker aqyn Danııar Aldabergenov Arys qalasynda bolǵan tótenshe jaǵdaıǵa baılanysty "Biz birgemiz!" ánin jaryqqa shyǵardy. Al aqparat jáne qoǵamdyq damý mınıstrliginiń qoldaýymen "Qazaqstan" RTRK" AQ-y beınebaıan túsirip, arystyqtardyń basyndaǵy qıyn-qystaý sáttiń beı-jaı qaldyrmaǵanyn jetkizdi. Rasynda da, mádenıet jáne sport mınıstrligi men mádenıet, óner maıtalmandary atalǵan jaǵdaıǵa jandary kúızelip, barynsha demeý berip, qoldaý kórsetýge tyrysýda. Arys, biz birgemiz! Árqashan birgemiz!", - dep jazdy Aıdar Qyryqbaev.

Esterińizge sala keteıik, maýsym aıynyń 24-de Arystaǵy áskerı qoımada jarylys bolǵan edi.

Sońǵy jańalyqtar