9 Shilde, 11:32 363 0 Qaýipsizdik Túrkistan Gazeti

Oq-dári qoımalary jappaı tekserilmek

QR Qorǵanys mınıstri Nurlan Ermekbaevtyń buıryǵymen qurylǵan arnaıy komıssııa oq-dári qoımalaryn tekserýdi bastady" dep habarlaıdy QR Qorǵanys mınıstrliginiń baspasóz qyzmeti. 

Komıssııa oq-dárilerdi saqtaý salasynda arnaýly tehnıkalyq bilimder men tájirıbege ıe joǵary bilikti áskerı mamandardan quralǵan. Ol áskerı qyzmetshiler QR Qarýly Kúshteri quramalary men bazalaryndaǵy zymyran-artıllerııa qarýyn, oq-dárilerdi saqtaýǵa baılanysty komandalyq laýazymdarda qyzmet atqarǵan. Sonyń ishinde QR QK Qurlyqtaǵy áskerler bas qolbasshysynyń  orynbasary (2004-2005) laýazymyn atqarǵan zapastaǵy general-maıor V. Nazarenko jáne QR QK Bas shtabynyń Uıymdastyrý-mobılızaııa jumystary departamentiniń bastyǵy bolǵan (2016-2018) zapastaǵy general-maıor M. Daırov bar. Tekseris kezinde komıssııa oq-dárilerdi saqtaý tártibin, jaǵdaılaryn, órt qaýipsizdigi erejeleriniń saqtalýyn eskeredi. Budan bólek, jer-jerde is júzinde kómek kórsetilip, oq-dári saqtaý nysandarynyń qaýipsizdigin kúsheıtý sharalary aıqyndalady.

 

Sońǵy jańalyqtar