5 Shilde 2019, 12:26 729 0 Ádebıet "Túrkistan" gazetiniń avtorlary

«Smart qalamger» jobasy iske qosyldy

QR Ulttyq memlekettik kitap palatasy men «Aqparattyq-tehnologııalyq ortalyǵy» qoǵamdyq qory «Rýhanı jańǵyrý», «ıfrly Qazaqstan» baǵdarlamalary aıasynda jáne Elbasynyń «Qazaqstannyń úshinshi jańǵyrýy: jahandyq básekege qabilettilik» atty Joldaýynyń negizinde QR Ulttyq akademııalyq kitaphanasynyń Myrzataı Joldasbekov atyndaǵy zalynda «Smart qalamger» atty jobasymen tanystyrdy.

QR Ulttyq memlekettik Kitap palatasy «ıfrly Qazaqstan» baǵdarlamasy aıasynda qolǵa alyp otyrǵan bul joba «Aqparattyq-tehnologııalyq ortalyǵy» qoǵamdyq qorymen birlesip júzege asyrylýda.  Jobanyń maqsaty – Qazaqstan Jazýshylar odaǵy­nyń múshesi bolyp tabylatyn árbir qalamgerlerdiń tegin veb-saıttaryn jasap berý jáne olarǵa tehnıkalyq qoldaý  kórsetý, qalam­gerlerdiń shyǵarmalaryn bir jerge jınaqtap, olardyń birtekti  elek­tron­dy bazasyn qurý. QR Ulttyq mem­­lekettik Kitap palatasynyń baspasóz muraǵatyn paıdalana otyryp, qalamgerlerdiń tolyq bıblıo­gra­fııalyq anyqtamalyǵyn jasaý, olar­dyń oqyrmanmen, shet eldik jazýshylarmen baılanysyn damytý.

Tusaýkeserde alǵashqy bolyp sóz alǵan Til saıasaty komıtetiniń tóraǵasy Ǵalymjan Meldesh óz sózinde bul jobanyń mańyzdylyǵyn erekshe atap ótti. «Bul jazýshylardyń óz shyǵarmalaryn qalyń oqyrmanǵa qoljetimdi etýine úlken septigin tıgizedi. Elbasymyz aıtqandaı, jahandaný dáýirinde elimiz básekege qabiletti, damyǵan elder qatarynda bolýy úshin «ıfrly Qazaqstan» baǵdarlamasynyń mańyzy óte zor. «Kitap oqý qalyp barady» dep dabyl qaqqan zııaly qaýymnyń da óz shyǵarmalaryn zamana talabyna saı usyna bilgeni jón. Ýaqyttyń kóshine ilese bilsek, oqyrman da tabylady. Bul joba – qolyna smartfon ustaǵan qazirgi oqyrman qaýymnyń kitap oqýyna, rýhanııat dúnıesinen alshaqtap ketpeýine qosylǵan úles bolady dep senemiz», – degen pikirin bildirdi.

Qoǵam qaıratkeri, ǵalym, Myrzataı Joldasbekov óz kezeginde jobanyń bolashaǵyna  senim bildire otyryp, kezinde óziniń jeke saıtyn mıllıonnan astam aqshaǵa jasatqanyn aıtyp, tegin jasalǵan saıttardy ıelengen qalamgerlerge qyzyǵyp qalǵanyn ázil aralastyra jetkizdi. Akademık Seıit Qasqabasov «Smart qalamger» jobasyna jarqyn bolashaq tilep, batasyn berdi.

Tusaýkeser rásiminde QR Ulttyq memlekettik Kitap palatasynyń dırektory Ádil Qoıtanov  jazýshylarǵa arnap jasalǵan veb-saıttarmen jınalǵan qaýymdy tanystyryp, ári qaraı júrgizý úshin saıt ıelerine sertıfıkattar tapsyrdy. Al «Aqparattyq-tehnologııalyq ortalyǵy» qoǵamdyq qorynyń prezıdenti Qanat Tańatarov jazýshy qaýymynyń joba týraly suraqtaryna jaýap berdi.

Osy oraıda eskerte ketetin bir másele – «Smart qalamger» jobasy memleket tarapynan qarjylandyrylmaıdy. Kitap palatasynyń elektrondy bazasyn jasaýda seriktesip jumys isteý úshin daıyndalǵan áleýmettik joba arqyly endi ár jazýshy óz jeke saıtyn óz kontentimen toltyryp, óz shyǵarmashylyǵyn ǵalamtorda qalyń oqyrmanǵa usyna alady.

Jahandaný dáýirinde elimiz básekege qabiletti, damyǵan elder qatarynda bolýy úshin «ıfrly Qazaqstan» baǵdarlamasynyń mańyzy zor. Jazýshylarǵa jańa zamannyń, ýaqyttyń talabyna saı bolýǵa múmkindik beretin «Smart qalamger» jobasy jazýshylar tarapynan úlken qoldaýǵa ıe bolýda.

 

Gaýhar Tursynqoja

 

Sońǵy jańalyqtar