5 Shilde, 12:07 399 0 Qoǵam Turkystan Support

«Elbasy.kz» iske qosyldy

Qazaqstan Respýblıkasynyń Tuńǵysh Prezıdenti, Elbasy Nursultan Nazarbaev jaıly tyń aqparattar men qyzyqty málimetterdi endi bir jerden oqyp, baqylap otyrýǵa bolady. Nursultan Ábishulyna arnalǵan Elbasy.kz saıty iske qosyldy. «Elbasy.kz saıtynyń jumysyna Elbasy keńsesi, Prezıdent is basqarmasy jáne Tuńǵysh Prezıdent qory sekildi birqatar qyzmet jumyldyryldy. Bul resýrsty qurastyrý úshin saıt jasaý jáne dızaın salalaryndaǵy biliktiligi joǵary mamandar tartylǵanyn da aıta ketý kerek», – deıdi Aıdos Úkibaı.

Saıt dızaıny erekshe jasalǵan. Tuńǵysh Prezıdenttiń bastapqy bettegi sýretteri qoldanýshy ınternet-resýrsqa kirgen boıda únemi aýysyp turady. «Biz 30 sýretti tańdap aldyq. Bul – sımvolıkalyq san. Arhıvtik fotolardy joǵary sapada kóshirip alýǵa bolady. Jańa materıaldar túsken saıyn medıagalereıa da jańartylyp otyrady», – deıdi Elbasynyń baspasóz hatshysy A.Úkibaı.  Elbasy.kz saıtynda Nursultan Ábishulynyń ómirbaıany týraly tolyq málimet bar. Odan qaldy Elbasy keńsesine, «Nur Otan» partııasyna, Qaýip­sizdik keńesi men Qazaqstan halqy Assambleıasyna arnalǵan bólimder de qamtylǵan. Taǵy bir aıta keterlik jaıt, saıtty sholyp shyqqan oqyrmandar bolsa, pikir bildirip óz oıymen bólisse bolady. Saıttyń iske qosylǵany týraly habardy jet­kiz­gen baspasóz hatshysy tvıtterde: «Dostar, Tuńǵysh Prezıdenttiń resmı ınternet-resýrsy Elbasy.kz  iske qosyldy. Jańa saıtqa baılanysty usynystaryńyz ben pikirlerińizdi, tilekterińizdi osy posttyń astyna qaldyrsańyzdar qýanar edim», – dep jazdy.

«Túrkistan-aqparat»

 

Tegter Elbasy.kz

Sońǵy jańalyqtar