5 Shilde, 11:46 529 0 Ishki saıasat Dınara MYŃJASARQYZY

Maqsat Sqaqov: Ideologııanyń túpnusqasy – tárbıe

– Ideologııa – eń birinshi eldiń birligi. Kez kel­gen ıdeologtyń qamtamasyz etetin nársesi – eldiń birligi men tynyshtyǵy. Osy ekeýi bolǵan jaǵdaıda bárin de jasaı berýge bolady. Máselen, úıin­de urys bolǵan adamda bereke bola ma? Sol sııaq­ty berekesiz elde de eshqandaı tirlik júrmeıdi, ol elge ınvestorlar kelmeıdi, eshkim aqsha salmaıdy. Sondyqtan ıdeologtardyń eń birinshi sharýasy – eldiń beıbitshiligi men berekesin qamtamasyz etý. Bir-aq aýyz sózben osylaı aıtýǵa bolady.

– Siz buǵan deıin Mańǵystaý oblysy ákimi orynbasary qyzmetin atqardyńyz ǵoı. Sonda neni basty ustyn etip aldyńyz?

– Kez kelgen nárseniń óz shekarasy bar. Odan shyǵa almaısyń. Sebebi ol – memlekettik qyzmet. Biraq ıdeologtarǵa jumys isteýge esh kedergi joq. Ideologııanyń túpnusqasy – tárbıe. Tárbıe biz­ge eń aldymen tynyshtyq pen beıbitshilik arqyly keledi. Qarapaıym ǵana mysal. Otbasynda úıdiń ıdeology – áıel. Barlyq nárseniń tigisin jatqyzyp otyrǵan da sol. Ata men eneniń, kúıeýiniń, aǵaıyn men týǵan-týystyń arasyn baılanystyratyn áıel. Bul er azamatqa da baılanysty. Kez kelgen adam ıdeolog bolýy kerek. Bul belgili bir mekemege, laýazym ıesine qatysty emes.

– Zııaly qaýym ókilderi, qoǵam qaıratkerlerin áńgimege tartsaq, «Bizde ulttyq ıdeologııa joq» dep shyǵady. Nege?

– Ár túrli pikir, ár túrli kózqaras bar. Bireýdiń oıymen keıde kelisemiz, keıde kelispeımiz. Mysaly, ózi istemegen nárseni jurttan kóretinder kóp. Másele – osynda. Sebebi ıdeologııa salasyna eńbektegen baladan eńkeıgen qarııaǵa deıin qyzmet etýi kerek. Ideologııa nege joq? Qanshama dúnıe jasalyp jatyr. Bálkim, biz sol dúnıeni ásirelep jiberip, qunyn túsirip jiberdik pe?!

Sońǵy jańalyqtar