4 Shilde, 12:26 469 0 Bilim Túrkistan Gazeti

Stýdentterge parasattylyq pen izettilikti úıretedi

«Rýhanı jańǵyrý» baǵdarlamasy aıasynda ál-Farabı atyndaǵy QazUÝ «Sanaly urpaq» jobalyq keńsesimen birlese otyryp, «Stýdentterdi parasattylyq pen izettilikke baýlý» jobasyn iske qosady.

Bul týraly jastardyń boıyna parasattylyqty qalyptastyrý jáne joǵary oqý oryndary ortasynda ádeptilikti nasıhattaýdyń ádisnamalyq negizderine arnalǵan ǵylymı semınar barysynda aıtyldy. Oǵan «Sanaly urpaq» respýblıkalyq jobalyq keńsesiniń ókilderi, Almaty qalasyndaǵy JOO oqytýshylary, etıka jáne quqyq salasyndaǵy jetekshi sarapshylar qatysty.

QazUÝ rektory, akademık Ǵalym Mutanov atap ótkendeı, parasattylyqqa tárbıeleý baǵdarlamasy ýnıversıtettiń BUU-nyń Órkenıetter Alıansymen birlese júzege asyrylyp jatqan «Qaıyrymdy qoǵam azamattaryn qalyptastyrý. Qazirgi zaman ýnıversıtetter mıssııasy» jobasynyń bir bóligi bolyp tabylady. Onyń negizinde Arıstotel, Platon, ál-Farabı sııaqty uly oıshyldar jasaǵan tamasha qoǵam týraly ıdeıa jatyr. Ál-Farabıdiń Qaıyrymdy qoǵam týraly ilimi eldiń azamattary qandaı bolýy kerek degen suraqqa jaýap beredi. «Ál-Mádına ál-fadıla» – bul jas urpaqqa parasattylyq, adaldyq, ádildik, adamgershilik, satqyndyqqa jol bermeý, senimdilik jáne basqa da izgilikterdi darytý boıynsha birtutas proess retinde bilim berý men tárbıeleýdi qamtamasyz etetin qoǵam.

2019 jyldyń qyrkúıeginen bastap ýnıversıtettiń barlyq stýdentteri mindetti túrde «Parasattylyq pen izettilik kóshbasshylyqtyń negizi retinde» pánaralyq kýrsyn oqýǵa kirisedi. Bul jerde olar parasattylyq mádenıetiniń qalyptasý tarıhyn, onyń moraldyq-adamgershilik jáne psıhologııalyq negizderin tanıdy jáne kásiptegi, qyzmettegi jarııalanymdylyq, qoǵamdyq-saıası ómirdegi parasattylyq pen izgiliktiń qundylyqtaryna negizdelgen tıimdi minez-qulyq modelderin úırenedi, sybaılas jemqorlyqqa qarsy etıka jáne qoǵamǵa qyzmet etý salasynda mańyzdy quzyrettilikterge ıe bolady.

Bul arnaıy kýrsty engizý QazUÝ ázirlegen jańa býyn ýnıversıtetiniń modeli – Ýnıversıtet 4.0 aıasynda júzege asyrylatyn is-sharalardyń biri. Onyń mańyzdy maqsaty bolashaq mamandardy – kóshbasshylyqtyń basty qundylyǵy retinde ádeptilikti nasıhattaý negizinde parasatty, qaıyrymdy jáne de rýhanı-adamgershilikti joǵary qoıatyn azamattar etip qalyptastyrý. Atalmysh mıssııanyń basty parametrleri bilim berý baǵdarlamalaryndaǵy kásibılik pen ádeptiliktiń úılesimdiligine qol jetkizýge, áleýmettik jaýapkershilikti tárbıeleýge sonymen qatar qoǵamǵa qyzmet jasaýǵa daıyndaýdy baǵyttaıdy.

"Sanaly urpaq" jobalyq keńsesiniń jetekshisi Qaıyrjan Toqyshev elimizdiń barlyq ýnıversıtetteri adaldyq pen izgilik qundylyqtar negizinde qabiletti qoǵam azamattaryn maman retinde daıyndaýǵa kóshýi tıis dep atap ótti. Onyń pikirinshe, BUU shtab-páterinde bastaý alyp, halyqaralyq deńgeıde keń taralýǵa usynylǵan QazUÝ-dyń Ýnıversıtet 4.0 modelin Qazaqstannyń barlyq joǵary oqý oryndary óz nazarlaryna alý qajet. Bul

úderiske "Sybaılas jemqorlyqtan tys joǵary oqý oryndary" atty aýqymdy jobasyn iske asyrý sheńberinde "Sanaly urpaq" keńsesi ázirlegen oń tájirıbe yqpal etetin bolady.

Semınarǵa qatysýshylar QazUÝ-ǵa engiziletin jańa kýrstyń oqý-ádistemelik kesheniniń mazmunyn talqylady jáne onyń negizinde qyrkúıek aıyna qaraı oqý quraly men kópshilikke arnalǵan on-laın kýrsyn daıyndaýdy usyndy. Sondaı-aq, sarapshylar QazUÝ-dyń áleýmettik zertteý jáne áleýmettik ınjınırıng ortalyǵyǵynyń stýdentter úshin arnaıy ázirlengen parasattylyq pen izettilikti jáne de ózin-ózi baǵalaý boıynsha saýalnama jobasyn qarastyrdy. Semınar qorytyndysy boıynsha ýnıversıtettik ortada ádeptilikti arttyrýǵa baǵyttalǵan bilim berý ádistemelerin engizý boıynsha Qazaqstannyń joǵary oqý oryndary úshin naqty usynystar jasaldy.

Sońǵy jańalyqtar