3 Shilde, 11:50 590 0 Bilim Ahmet ÓMIRZAQ

QAIRAN «SYNYP»...

Ótkende QR Mádenıet jáne sport mınıstri Aqtoty Raıymqulovanyń sózinen keıin áleýmettik jelidegi túrli talas-tartystardyń arasynda «Ol kisi qaıdan bilsin, ózine berilgen málimetter negizinde sóıledi ǵoı, jańylys áńgime bolar», – dep jańa mınıstrdi qorǵaǵandar bolǵan edi.

Biraq qazaq halqy «Jel bolmasa, shóptiń basy qımyldamaıdy» deıdi ǵoı, birdeńeden kúmándanǵanda. Endi mine, shırek ǵasyrdan asa ýaqytta mektep oqýlyqtaryna engizilip, baspasózde qoldanysqa enip, turaqtanyp, halyqqa ábden sińisti bolyp ketken termınderdi qaıtadan keńestik kezeńdegi qalpyna túsirý áreketi shynymen de bastalyp ketkenin bilip otyrmyz.

sputniknews.kz saıtyna bergen suhbatynda QR Bilim jáne ǵylym mınıstri Ashat Aımaǵambetov «synyp» sózin qaıtadan «klasqa» aýystyrýǵa qatysty pikir bildiripti. «Oǵan qatysty jeke oıymdy aıtqym kelmeıdi. Óıtkeni bul – qabyldanǵan sheshim. Sondyqtan ony aıtpaı-aq qoıaıyn, túsinikteme bermeı-aq qoıaıyn», – depti mınıstr. Demek, bilim salasy endi taǵy da mektep oqýshylary úırenip qalǵan termınderge revızııa jasap, qalyptasqan uǵym-túsinikterdiń buzylýyna jol ashyp otyr.

Biletinderdiń aıtýynsha, qazirge deıin memlekettik termınologııalyq komıssııada fılolog ǵalymdar joq kórinedi. Endeshe termınderdiń taǵdyryn kim sheshetinin ózderińiz-aq paıymdaı berińizder.

Sońǵy jańalyqtar