1 Shilde 2019, 14:06 937 0 Qaýipsizdik Dınara MYŃJASARQYZY

Elordadan Arysqa júk kóligi jóneltildi

 Nur-Sultan qalasy Qazaqstan halqy Assambleıasy Túrkistan oblysy Arys qalasyna áleýmettik kómek jiberdi.


Elordanyń Dostyq úıinde arnaıy qurylǵan shtab "Arys, biz birgemiz!" akııasyna baılanysty jınalǵan azyq-túlik, turmystyq zattar jáne kıim-keshekter men tósek-oryndardy Túrkistan oblysyna arnaıy júk kóligine tıep, jolǵa attandy. Bul qaıyrylymdylyq iske Nur-Sultan qalasy Qazaqstan halqy Assambleıasy, qalalyq 23 etnomádenı birlestikteri jáne Nur-Sultan qalasy ákimdigi janyndaǵy "Qoǵamdyq kelisim" KMM, sondaı-aq Áziret Sultan meshiti men Nur-Astana meshiti at salysty.
Arnaıy shtab qurylǵan kúnnen bastap barlyq etnomádenı ortalyqtar belsendilik tanytyp, tez arada jumysty bastap ketti. Úsh kúnniń ishinde shtab jumysy alǵa basyp, búgin mine áleýmettik kómekke 7 mıllıonnan astam 40 tonna júk kóligi arystyqtarǵa bet aldy. ​


Nur-Sultan qalasy Qazaqstan halqy assambleıasy hatshylyǵynyń meńgerýshisi Lázzat Qusaıynova: «Qazaqstan halqy Assambleıasy árqashan kómek qolyn sozýdan qalys qalǵan emes. Bul joly da qaıyrymdylyq isin jalǵastyryp, qıyndyqta qalǵan jandarmen birge boldy».


Osyǵan deıin oqıǵa oryn alǵan kúnnen bastap respýblıkamyz boıynsha, «Arys, biz birgemiz!» atty akııanyń bastaý alyp ketkeni málim. Nur-Sultan qalasynyń Dostyq úıinde elorda etnomádenı birlestikteriniń ókilderi bas qosyp, qaıyrymdylyqqa baǵyttalǵan isterdi júıeli atqaryp shyǵýǵa ýaǵdalasqan. Sondaı-aq, Túrkistan oblysy Shymkent qalasyna «Nur-Sultan qalasy ózbek etnomádenı ortalyǵy» qoǵamdyq birlestigi tóraǵasynyń orynbasary Sharıpov Hasan Holmatuly 22 tonna un jóneltken bolatyn.
#ARYSBIZBIRGEMIZ!

Sońǵy jańalyqtar