26 Maýsym, 16:50 715 0 Qoǵam Dınara MYŃJASARQYZY

Atyraý teleradıosynyń bes jańalyǵy

Baılanys jáne aqparat  qyzmetkerleri kúnine oraı Atyraýda «Qazaqstan» RTRK» AQ Atyraý oblystyq fılıalyna qarasty «Atyraý radiosy»-nyń jańa  radıostýdııasy ashylyp, jańa radıotaratqysh iske qosyldy. Sonymen qatar, radıonyń latyn álipbıindegi jańa logotıpiniń tanystyrylymy ótip, jańa formattaǵy «Efirde 102.0 FM» teleradıohabary fırge jol tartty.

Teleradıohabardyń alǵashqy sany Túrkistan oblysy Arys qalasyndaǵy joıqyn jarylystan zardap shekkenderge atyraýlyqtardyń kómegi týrasynda boldy. Teleradıohabar formatynyń ereksheligi, Atyraýda tuńǵysh ret radıofır telefırge qosylyp otyr. Osylaısha qalyń kópshilik teleradıobaǵdarlamany áýe tolqynynan tyńdap, ári telekrannan da tamashalaı alady. Kásibı merekege oraılastyrylǵan is-shara aıasynda sondaı-aq, «Atyraý» teleradıosynyń jańa salynǵan japsarlas ǵımaraty men H.Dosmuhamedov atyndaǵy Atyraý memlekettik ýnıversıtetimen birlesken jobanyń  tusaýkeser rásimi ótti.

Is-sharaǵa Atyraý oblysy ákimi Nurlan Noǵaev bastaǵan jergilikti atqarýshy bılik ókilderi, oblystyq qoǵamdyq keńes tóraǵasy Murat Saqtaıuly,  H.Dosmuhamedov at. AtMÝ jýrnalıstıka kafedrasynyń  meńgerýshisi, qaýymdastyrylǵan professor Mánshúk Tynyshqalıqyzy, aqyn-jazýshy men zııaly qaýym ókilderi, jýrnalıstıka ardagerleri t.b. qatysty. Saltanatty is-sharany quttyqtaý sózimen Atyraý oblysynyń ákimi Nurlan Noǵaev:

  • «Atyraý» teleradıosy oblystaǵy 80 jyldan asa tarıhy bar irgeli qara shańyraq. 80 jyl buryn sol kezdegi Gýrev halqyna  alǵashqy jańalyq taratqan bul medıa-mekeme  búginde zaman suranysyna saı jańa tehnologııamen jabdyqtalyp, tyń habarlarymen kórermen kózaıymyna aınalyp otyr. Eldegi saıası-konomıkalyq, tótenshe jaǵdaılar kezinde dereý ún qosyp,  halyqqa jedel aqparat  taratyp, qoǵamda oń pikir qalyptasýyna yqpal etip otyr. Búgin kelesi bir belesine shyǵyp, japsarjaı ashyp, radıonyń tynysyn keńeıtip otyr. Jańa formattaǵy teleradıohabardyń alǵashqy sanyn Arys qalasyndaǵy   tótenshe jaǵdaıǵa arnaýdyń ózi telearna ujymynyń ónegeli  bastamasy dep bilemin», - dep óńir basshysy júrekjardy lebizin bildirdi.

Buǵan deıin Atyraýdaǵy jergilikti radıonyń taralý keńistiginde birqatar kedergi týyndaǵan edi. 250 kılovattyq eski radıotaratqyshtyń saldarynan radıotolqynnyń taraý aıasy 3 shaqyrym ǵana boldy. Endi keńeıtilgen dıapazondy 1000 kılovattyq jańa radıotaratqysh iske qosylyp, atyraýlyqtar áýe tolqynyn jańa sapada tyńdaıtyn bolady. Radıotolqynnyń erkin taraýyna záýlim úıler kóp kederginiń biri edi.  Osy másele eskerilip, jańa radıotaratqysh qala syrtyndaǵy 180 metrlik telemunaraǵa ornatyldy. Bul da bolsyn radıotolqynnyń erkin taraýyna basty sep bolmaq. «Qazaqstan» respýblıkalyq teleradıokorporaııasy» AQ Atyraý oblystyq fılıalynyń dırektory Qanat Áýesbaı:

  • «Bul «Atyraý» teleradıosynyń baspasóz  jáne aqparat qyzmetkerleri kúnine arnap jarııalaǵan bes jańalyǵy. Sonyń eń bastysy radıomyzdyń tynysynyń  keńeıip,  jańa stýdııasynyń ashylýy. Tynysynyń keńeıgeni sol radıýsy keń jańa radıotaratqysh ornatqanymyzdyń arqasynda «qulaǵymyz ashylǵandaı». Bul kóp jyldar boıy  aıtyla aıtyl, aqjem, jazyla jaýyr bolǵan kúrmeýli másele edi.  Budan bylaı radıotolqynnyń taralý aımaǵy 60 shaqyrymǵa deıin keńeıip otyr. Bastysy, áýe tolqynynda 102.FM jıiligine qosylyp, únemi bizben birge bolýǵa shaqyramyz».

Jańa formatta tusaýy kesilgen teleradıohabar «Efirde 102.0 FM» atalady. Teleradıohabardyń alǵashqy sany Túrkistan oblysynyń Arys qalasynda bolǵan tótenshe jaǵdaıǵa arnaldy.  «Efirde» sózi kógildir krandy meńzep tursa, «102.FM» radıo sıpatyn ańǵartyp tur. Televızııa men radıomen birlesken mundaı jobany júzege asyrýda medıa álemindegi zamanaýı tájirıbe eskerilip otyr. Televızııanyń túp otany amerıka desek, ol jerde radıofırdi telefırge qosyp ortaq habar jasaý qaı zamannan bar úrdis. Munyń basty tıimdiligi sol, radıo aýdıtorııasyn  keńeıtý», deıdi teleradıo habardyń júrgizýshisi, tanymal jas jýrnalıst Jandos Nurbolatuly.

Atyraý teleradıosyndaǵy taǵy bir súıinshiler jańalyq jańa japsarlas ǵımarattyń ashylýy. 1000 sharshy metr bolatyn 3 qabatty ǵımaratta ákimshilik-basqarý qyzmetkerleri, ınjenerler, taqyryptyq redakııa, menshikti tilshiler men jańa telestýdııa ornalasady. Ǵımarattyń bir zaly Aıtqalı Qumarǵalıuly medıa aýdıtorııasy bop ashyldy. Aıtqalı Qumarǵalıuly «Atyraý» teleradıokompanııasyna uzaq jyl basshylyq etip, qazyǵyn qaǵyp, ýyǵyn kótergen, isker basshy, sheber uıymdastyrýshy, qarymdy qalamger. Aýdıtorııanyń tusaýkeserine  Aıtqalı Qumarǵalıuly ózi qatysyp,  áserimen bólisti:

  • Bir jyldary qıyn kezder boldy. Telearnalardyń jumysy toqtap qaldy. Qyzmetkerlerge eńbekaqy taýyp berýdiń ózi úlken másele bolǵan kezde kóp radıo jabyldy. Fılıaldar arasynda osy «ATYRAY» radıosyn  saqtap qaldyq.  Búgin mine, uzaq jyldan keıin  jańa tehnologııamen jabdyqtalyp ashylyp jatyr. Qýanyshym sheksiz. Sonymen qatar,  meni qurmettep aýdıtorııa ashyp jatqan telearna ujymyna alǵys aıtamyn. Bul oblysta tele jýrnalıster daıyndaýǵa úlken múmkindik beredi dep oılamyn. Ózim de shákirt tárbıeleýge belsene atsalysamyn.    

Medıa aýdıtorııa  H.Dosmuhamedov atyndaǵy Atyraý memlekettik ýnıversıtetimen birlesken joba aıasynda júzege asyp otyr. Ýnıversıtettiń  jýrnalıstıka kafedrasynyń  meńgerýshisi, qaýymdastyrylǵan  professor  Mánshúk Tynyshqalıqyzy:

  • «Kásibı merekemizben tuspa tus kelip jatqan mańyzdy sharada bas qosyp turmyz. Telearna ishinen ashylyp jatqan medıa aýdıtorııa bolashaq tele jýrnalıster daıyndaýǵa mańyzy zor.  Búginde  bilimdi ǵylymmen, tájirıbemen ushtastyrý talaby  qoıylyp otyr. Birlesken jobamyz elimizdegi dýaldy bilim berý júıesine qosqan úlesimiz bolmaq. Telearnanyń kásibı mamandarynan bilimderin jetildirip, kásibı ósýge qadam basady», - dep belgili ǵalym telearna ujymynyń jumysyna sáttilik tiledi.

Is-shara aıasynda «Qazaqstan» RTRK» AQ Atyraý oblystyq fılıalynyń 5 qyzmetkeri: «Atyraý radiosy» aǵa redaktory Slýhııa Qattarqyzy, redaktorlar Gúlnaz Kárimjan, Aınagúl Qonysqalıqyzy, Sholpan Abatqyzy,  Indıra Merekenqyzy Qazaqstan jýrnalıster odaǵy syılyǵynyń ıegeri ataǵymen marapattaldy. Aıtýly marapat «Atyraý radiosy»-nyń 80 jyldyǵy men Qazaqstan jýrnalıster odaǵynyń 60 jyldyq mereıtoıy qurmetine berildi.

    «Qazaqstan» respýblıkalyq teleradıokorporaııasy» AQ Atyraý oblystyq fılıalyna qarasty «Atyraý radiosy»-nyń tarıhy 1938 jyly Gýrev oblysynyń qurylýynan bastaý alady. 1938 jyldyń 2-shi naýryzynda alǵash ret radıo habary fırge shyqty.  Qazir ol 102.0 FM jıiliginde táýligine 17 saǵat habar taratyp otyr.

Sońǵy jańalyqtar