26 Maýsym, 14:33 736 0 Bilim Túrkistan Gazeti

PEDAGOGIKALYQ BILIM BERÝDIŃ ZAMANAÝI BAǴYTTARY

Abaı atyndaǵy Qazaq ulttyq pedagogıkalyq ýnıversıteti elimizdegi muǵalim kadrlaryn daıarlaıtyn joǵary oqý oryndarynyń bazalyq ortalyǵy bolǵandyqtan, jańa ǵasyrdyń jańa pedagogtaryn daıarlaý jónindegi tyń oılar men bastamalar osy ýnıversıtetten bastaý alatyny beker emes. Bul jańashyldyq ózinen-ózi kelmeıtini aqıqat. Ol pedagog kadrlaryn jańasha daıyndaýǵa baǵyttalǵan tyń izdenisterden, zerdeli zertteýlerden, ozat tájirıbelerden, sheteldik joǵary oqý oryndarynda ómirge kelgen ınnovaııalardy engizýden týyndaıtyn qundylyqtar.

Osyǵan baılanysty Abaı atyndaǵy Qazaq ulttyq pedagogıkalyq ýnıversıtetiniń rektory, professor Takır Ospanuly Balyqbaevtyń bastamasymen oqý ornynda eki jyldan beri zamanaýı talaptarǵa sáıkes keletin jańa muǵalimder daıarlaýdyń joldary men ádisterin izdestirýge batyl qadamdar jasalyp otyr. Ótken mamyr aıynda Eýrazııalyq ekonomıkalyq odaqqa kiretin Reseı, Belarýssııa, Armenııa, Qazaqstan jáne Qyrǵyzstan, TMD quramyndaǵy basqa da memleketterdiń pedagogıkalyq joǵary oqý oryndarynda jas pedagogtar daıarlaýdyń jaıyna arnalǵan halyqaralyq jıyn ótkizilse, al endi maýsym aıynda Abaı ýnıversıtetinde «Pedagogıkalyq bilim berýdiń qazirgi zaman úderisteri» taqyrybynda ótken halyqaralyq forýmda da bul ózekti másele túbegeıli talqylandy. Kembrıdj (Ulybrıtanııa), Magdebýrg (Germanııa), Okaıama ýnıversıtetteri (Japonııa), Chje-zıan polıtehnıkalyq ýnıversıteti (QHR), Shıaýlıaı ýnıversıteti (Lıtva), Iývıaskıýl ýnıversıteti (Fılıandııa), Túrkııanyń Ýskýdar, Gazı, Ahı-Evran ýnıversıtetteri, M.Lomonosov atyndaǵy Máskeý memlekettik ýnıversıteti (Reseı), Nazarbaev ýnıversıteti men kóptegen halyqaralyq uıymdardyń ókilderi qatysqan bul jıyn Almatydaǵy «Rahat palas» qonaq úıiniń májilis zalynda ótti. Forýmdy ashqan Abaı atyndaǵy Qazaq ulttyq pedagogıkalyq ýnıversıtetiniń rektory, professor T.Balyqbaev kún tártibine qoıylyp otyrǵan máseleniń ózektiligine toqtaldy.

HHI ǵasyr – jahandyq jańa tehnologııalar men ınnovaııalar ǵasyry, jańasha oılaý jáne álemde bolyp jatqan ózgeristerge jańa kózqarastar qalyptastyrý ǵasyry, -- dedi T.Balyqbaev. – Bul ózgerister nemen baılanysty? Birinshiden, bul bilim berý paradıgmasynyń negizi bolyp tabylatyn oqytýdyń jańa sharttary men belsendi ádisterin jasaý; ekinshiden, jedel ózgermeli álemniń talaptaryna sáıkes synı oılaıtyn jáne fýnkıonaldyq saýatty tulǵany daıyndaýǵa degen talaptardyń ósýi; úshinshiden, mektepte oqytý men ony oqý úderisin jańartý, pedagogtardyń

ınnovaııalarǵa, ózin-ózi damytýǵa, jetildirýge, korparatıvtik ózara is-qımylǵa daıyndyǵy degen sóz. Búgingi bilim berýdiń júıesi ashyq bolýǵa tıis. Onyń maqsaty – oqý úderisi sýbektisiniń barlyq pikirin eskere otyryp jumys isteý. Biz ulttyq pedagogıkalyq bilim berý júıesiniń basynda otyrǵandyqtan bilim saıasatyn damytýǵa, otandyq bilim júıesin alǵa jyljytýǵa baǵyttalǵan oqytýdyń joǵary sapaly tehnologııasy men jańa ádistemelerin engizýge umtylýdamyz. Bizdiń búgingi trend – bul ıfrlyq revolıýııaǵa qol jetkizý degen sóz. Bolashaq pedagogtar jańa ıfrlyq quzirettilikke kreatıvtik elementterge, kommýnıkatıvtilikke zárý. Sondyqtan búgingi pedagogtan jalpy orta bilim berýdiń jańartylǵan standarttaryn, mazmunyn, metodologııasyn qabyldaý, oqý úderisin baǵdarlamalyq jáne ádistemelik qamtamasyz etý talap etiledi.

Japonııanyń Okaıama ýnıversıtetiniń professory Hırokı Fýdjı, Túrkııanyń Ýskýdar ýnıversıtetiniń professory Nýrper Ýlký, Fınlıandııanyń Iývıaskıýlıa ýnıversıtetter tobynyń jetekshi sarapshysy Iaakko Skantsı, Germanııadaǵy Magdebýrg ýnıversıtetiniń keńesshisi Karlos Machado, Lıtvadaǵy Shıaýlıaı ýnıversıtetiniń professory Stefanııa Alıshaýskıene, Nazarbaev ýnıversıtetiniń professry Elaın Sharplın, AQSh-taǵy KS Global Partners kompanııasynyń dırektory Djon Kım jáne basqalar jańa zamannyń jańa pedagogtaryn daıarlaý týraly óz tájirıbeleri men ustanymdaryn ortaǵa saldy.

Forýmnyń kelesi kúninde ótken ár alýan sheberlik synyptarynda, pikir almasýlarda, dóńgelek ústelderde jańa pedagog daıarlaýdyń basqa da tyń tásilderi men ádisteri týraly pikir almasyldy.

 

Sońǵy jańalyqtar