17 Maýsym 2019, 16:39 610 0 Óner "Túrkistan" gazetiniń avtorlary

Táýelsizdik tarıhynda bolmaǵan alaman

16 Maýsym kúni Tarbaǵataı tórinde «Tuǵyry bıik Tarbaǵataı» atty halyqaralyq sport jáne óner festıvali aıasynda Kókpekti aýdanynan bastap Aqsýat aýylyna deıingi araqashyqtyqta táýelsizdik tarıhynda bolmaǵan 140 shaqyrymdyq alaman báıge ótti.

Shashasyna shań juqtyrmaǵan 106 sáıgúlik GPS qurylǵysymen qamtylyp, jarys jolyna shyqty. Túni boıy jaýǵan jaýynnan ezilgen jarys jolynyń aýyrlyǵy talaı tulpardy tuıaqtan qaldyrdy. 8 saǵattan asqan alamanda adamǵa da atqa da aýyr syn bolǵandyǵy anyq. Sóreden shyqqan 106 júıriktiń tek 12-si márege jetti.

Almaty oblysy, Sarqand aýdanynyń turǵyny Rústem Dosjanovtyń Qyzjıreni oq boıy ozyq shyǵyp bas báıgeni aldy. Zaısanda ótken 130 shaqyrymdyq alamanda ekinshi kelgen Qýanyshtyń kúreń aty kúmis júldeni eshkimge bermeı enshilep ketti, úshinshi oryn Qudirettiń qylquıryqtysyna buıyrdy. Birinshi orynǵa Nıva, ekinshi orynǵa Lada granta avtokólikteri tabystaldy. 140 shaqyrymdyq alaman báıge alys qashyqtyqta qazaqy qazanattyń qarasyna jylqy ilespeıtindigin kórsetip, qazaq jylqysy álem aldynda taǵyda óz myqtylyǵyn dáleldedi.

Aıan Aldabergenuly

Sońǵy jańalyqtar