25 Maýsym, 16:26 510 0 Ádebıet "Túrkistan" gazetiniń avtorlary

Kókbóri jebegen Jánibek

Halyq ańyzynda Jánibekke Túrkiniń kókbórisi daryǵan degen oqıǵa bar.

Bala kezinde naǵashysynyń úıinde júrgen Jánibek birde dalada uıyqtap qalady. Ýaqytynda kelmegen soń artynan izdep barǵan balalar Jánibekti eki qasqyr jep jatyr eken dep shýlap keledi. Ony estigen úlkender atqa qonyp, balalardyń bastaýymen Jánibek jatqan jerine kelse, uıyqtap jatqan Jánibektiń basynda bir qasqyr, aıaq jaǵynda bir qasqyr otyr eken. Muny kórgen úlkender « Bul asqan batyr bolady » –eken dep qýanyp qaıtady.

Jánibek shynynda da asqan batyr bolyp erjetedi. Ol týraly aıtylatyn ańyzdyń birinde Qazaq–Qalmaqtyń bir jolǵy soǵysynda Qalmaq noıany «jepe-jek, jekpe-jek» –dep aıqaı salyp maıdanǵa shyǵady. Qazaq jaǵynan jas batyr Jánibek shyǵady. Sonda álgi kisi jeıtindeı bolyp turǵan Qalmaq noıany sasqalaqtap artyńdaǵy qalyń qolyna shaýyp barady da: «Myna batyr tegin emes, soǵyspaı kelisimge kelelik»- deıdi. Noıannyń aıtqany bolady.

Soǵys bolmaı kelisim bolady. Sonda tartý taralǵysyn alýǵa qazaq qolyna kelgen álgi noıannan Qabanbaı: «Batyr, baǵana maıdanǵa jaraǵan býradaı bolyp shabynyp, ekpinmen shyǵyp ediń. Bizdiń batyrymyzdy kórgen soń jynyń nege ushty ? Soǵysqaly shyǵyp, saýǵa bergen qalmaq noıanyn birinshi ret kórýim. Bul qalaı ?»-deıdi. Sonda álgi qalmaqtyń noıany: «Sizdiń batyrdyń eki ıyǵynda eki qasqyr otyr eken. Ala almaıtynymdy jáne jolym bolmaıtynyn sodan bildim, sizderdi emes, artymnan ergen elimdi, ózimdi aıadym. Kókbórisi moınyna mingen batyrǵa qarsy ajalǵa aıdap salǵym kelmeıdi, ózime de ómir kerek »-degen eken.

 

                                                                                           Jaras Nurboluly

Sońǵy jańalyqtar