25 Maýsym, 15:56 469 0 Ádebıet "Túrkistan" gazetiniń avtorlary

N.Ondasynovtyń Máskeýdegi ómiri jaıly ne bilesiz ?

Qazaqstanda 18 jyl premer mınıstr bolǵan Nurtas Ońdasynov, demalysqa shyqqannan keıin Máskeýde úsh bólmeli páterde turypty.

Bir bólmesin túgel kitapqa toltyryp jumys bólmesi etip arnap alypty, azanǵy sháıin ishkennen keıin, qyry synbaǵan kostıým shalbaryn kıip, galstýgin taǵyp, týflıyn jaltyratyp maılap saǵat 9- ǵa 10 mınýt qalǵanda bólmesine kirip ketedi eken. Sol otyrǵannan túste saǵat 13-ke 10 mın qalǵanda shyǵyp, kempiriniń daıyndaǵan túski tamaǵyn iship, saǵat 14-ke 10 mın qalǵanda qaıta kirip ketedi eken.

Keshki saǵat 18-ge 10 mınýt qalǵanda bólmesinen shyǵyp, bir saǵat dalaǵa serýendep, saǵat 20-da keshki tamaǵyn iship demalady eken. Nurtas aǵamyz dál osylaı qatyp qalǵan ýaqytpen 28 jyl ómir súripti. Qazaqstannan adam kelse kempiri jylaıdy eken "myna ápendi aǵalaryńa aıtsańdarshy ne istep otyr myna bólmede, úsh mezgil tamaǵyn daıyndaýmen óletin boldym" dep.

Sonda Nurtas aǵamyz sol bólmede 28 jyl boıy qazaqtyń bir sózi tórt tilde qalaı atalatyny jóninde "nıklopedııalyq slovar" jasaǵan eken. Bildeı bir ǵylymı zertteý ınstıtýtiniń isteıtin jumysyn bir ózi istep, bes tomdyq slovar jazyp shyǵypty desedi...

Jaras Nurboluly

Sońǵy jańalyqtar